Mondoñedo 16 de abril de 2015.- A candidata do Partido Popular á alcaldía de Mondoñedo, Elena Candia, denuncia que o desinterese do goberno local (PSOE e BNG) ante as necesidades dos veciños provocou, unha vez máis, a perda dun novo servizo. Así, a popular aclara que esta despreocupación ocasionou o peche do ximnasio municipal.
Polo tanto, o balance de xestión de Orlando González e dos seus socios de goberno pasa pola perda constante de servizos para Mondoñedo. “Dende que Orlando González é alcalde, vivir en Mondoñedo é máis caro, máis incómodo e con menos servizos e oportunidades”, asegura Candia.
Neste senso, a popular exemplificou casos concretos como que co nacionalista no goberno (pese a perder as eleccións), Mondoñedo non conta cunha educadora familiar, despedida polo actual goberno local ante o incumprimento en materia de benestar de socialistas e nacionalistas na Deputación. “E non só se perde un servizo, senón que se incrementaron as taxas que debían pagar os usuarios do SAF”, precisa a alcaldable.
Entre outros exemplos dos citados pola popular está tamén a perda de diversas actividades como é a supresión da celebración da comida da terceira idade. “Tampouco nos podemos esquecer de que Orlando González asegurou que non lle importaría pasar a historia por ser o primeiro alcalde que non organizase as festas e feiras das San Lucas. Unha mostra evidente da falta de preocupación do bipartito local (PSOE e BNG) ante as necesidades de Mondoñedo e as demandas dos veciños”.
Mentres suprimen os servizos, Candia reproba que Orlando González se limite a incrementar impostos e taxas ou crear algún novo. Por exemplo, a popular explicou que no 2012 aprobaron o pago dunhas tarifas polo uso das instalacións deportivas, como é o caso do pavillón polideportivo municipal e do campo de fútbol de Viñas da Veiga. Pese a comprometerse en pleno a suprimir estas taxas a asociacións sen ánimo de lucro, en reposta a unha petición do PP trasladada nunha moción, os nacionalistas e socialistas seguen a impoñer estas tarifas.
Candia conclúe ao asegurar que lles preocupa moito o castigo que o actual goberno municipal está a dar ao deporte na localidade, polo que no programa electoral incluirán iniciativas que permitan restablecer esta situación.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
