O VICEDO, 17 DE ABRIL DE 2015.- Vicente Parapar encabeza a candidatura coa que o Partido Socialista de O Vicedo concorrirá ás vindeiras eleccións de maio. Deste xeito, o candidato manifesta que se presenta como cabeza de lista porque, primeiro, “o meu pobo está nestes momentos na na peor situación dos últimos anos en todos os aspectos e, segundo, porque teño un compromiso adquirido neste mandato con todos os veciños que presentaron alegacións ao PXOM de defendelos e de tratar que se aproben todas aquelas que teñan cabida legal”.
Trátase dunha persoa fortemente vinculada co municipio e cunha dilatada experiencia no Partido, xa que é o actual voceiro do grupo municipal, ademais de presidente da asociación recreativa-cultural “OS DO 21”.
Propostas do programa
Ademais de asumir o compromiso de “traballar por e para O Vicedo”, presenta un programa cuxas propostas están dirixidas, precisamente, a dotar aos cidadáns de servizos públicos que contribúan a mellorar a súa calidade de vida. Por iso, considera que é preciso potenciar os servizos sociais con especial atención ás familias con menos recursos, así como crear un programa de municipal de emprego, a través dun rexistro municipal de demandantes no que todos teñan as mesmas oportunidades é as probas sexan iguais para todos.
Neste senso, anuncia que, se goberna, tamén creará un fondo municipal para axudar a todos os estudantes do concello, dotado de axudas para libros, matrículas, material escolar, transporte, etc.
Candidatura
Para cumprir estes compromisos presenta unha candidatura, formada por 10 persoas “traballadoras, honestas e que coñecen á perfección as necesidades do municipio”. É a seguinte:
Titulares:
1.- Vicente César Parapar Carreja (O Vicedo). Ex funcionario da Xunta de Galicia.
2.- Verónica Canoura Paz (Negradas). Administrativa e presidenta da asociación de veciños de San Miguel de Negradas.
3.- Silvia Pigueiras Blanco (San Román). Administrativa, comercial e camareira.
4.- José Ramón García Varela (Folgueiro). Autónomo do sector da carpinteiría.
5.- Olga Fraga Grandío (Cabanas). Empregada.
6.- Juan Carlos González Trasancos (Negradas). Traballador do sector da automoción.
7.- María Roberta Serantes Debén (O Vicedo). Ama de casa.
8.- María Luisa Oca Timiraos (O Vicedo). Ama de casa.
9.- Luis Lozano Pedreira (O Vicedo). Mestre xubilado.
Suplente:
Francisco José Iglesias Franco (O Vicedo). Xubilado da banca.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
