O Burela Pescados Rubén vence ao Gironella por 7-1 nun partido que no que as burelesas foron de menos a máis, á inversa que as catalás que iniciaron o partido moi enchufadas. Nada máis comezar o Gironella gozou dun par de ocasións que non souberon aproveitar, na primeira Shiori evitou o tanto visitante desviando baixo paus un disparo de Pilar e na segunda Ingrid non puido no man a man con Jozi.
Co paso dos minutos o Burela Pescados Rubén foise desperezando aínda que as catalás mantiñan o tipo e ata se atrevían a presionar arriba. Chegando ao ecuador do primeiro periodo as mariñás comezaron a presionar máis e a xerar ocasións claras. Nunha delas, Shiori aproveitou unha gran xogada de Tainã para abrir o marcador (1-0), a brasileira foise do seu par en banda esquerda e enviou un gran pase ao corazón do área que a xaponesa non perdoou. Co 1-0 o Gironella mantivo a compostura pero comezou a afundir o seu defensa e nos minutos finais Peque e Tainã encarrilaron o duelo. No minuto 18, Peque marcou a porta baleira tras asistencia de Shiori e no último minuto Tainã, desde o dobrepenalti, fusilou a Noe cun gran disparo para marcar o 3-0 co que se chegou ao descanso.
Na segunda parte o dominio do Burela Pescados Rubén foi absoluto ante un Gironella voluntarioso e con boa actitude defensiva pero escasos de recursos ofensivos e sen fuelle. No minuto 29, Peque aumentou a renda local cun potente disparo ante o que Noe pouco podía facer. O 4-0 deu paso a uns minutos intrancendentes e na recta final chegaron máis goles, Cris logrou o 5-0 tras unha nova asistencia de Shiori. Peque completou o seu hat trick co 6-0 e o 7-0 foi de Lidia en propia porta. As visitantes lograron tamén o seu gol do honra por mediación de Ingrid que estableceu o defnitivo 7-1.
Ficha técnica
Burela FS Pescados Rubén: Jozi, Claudia, Peque, Gaby, Shiori –cinco inicial- Bea Mateos, Tainã, Cris, Paula.
Gironella: Noe, Ingrid, Celia, Claudia Pons, Pilar –cinco inicial- Lidia, Anna, Berta.
Goles: 1-0, m.11, Shiori; 2-0, m.18, Peque; 3-0, m.20, Tainã; 4-0, m.29, Peque; 5-0, m.35, Cris; 6-0, m.37, Peque; 7-0, m.38, Lidia (p.puerta); 7-1, m.38, Ingrid.
Árbitros: Crestelo Blanco, Cardero Rodríguez. Colegio galego.
Incidencias: Partido correspondente á xornada 25 de Primera División RFEF disputado en Vista Alegre, 300 espectadores.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
