Ribadeo, 28 de abril de 2015. Este martes ábrese o prazo de inscrición nas escolas deportivas de verán do Concello de Ribadeo destinadas a nenos e nenas nados entre os anos 2000 e 2007. As modalidades que se ofertan neste 2015 son: pesca deportiva, piragüismo, remo, surf e vela.
A cota da matrícula é de 40 euros. O pagamento da taxa deberá facerse efectivo na conta corrente que o Concello ten en Caixa Rural antes do comezo da escola e indicando no concepto: matrícula escola deportiva, así coma o nome do rapaz ou rapaza matriculad@. O resgardo debidamente cumprimentado será entregado na Casa da Xuventude. Existe a posibilidade de subvencionar a matrícula, segundo a ordenanza de bases de acceso a prestacións económicas para actividades dirixidas a menores, organizadas polas Concellarías de Cultura, Educación e Igualdade, e de Facenda, Medio Rural, Obras e Deportes.
A inscrición, que se abre este martes, poderá realizarse na Casa da Xuventude de luns a venres en horario de 9 a 14 horas e os martes e xoves tamén pola tarde de 16.00 a 19.00 horas. O prazo de matrícula estará aberto ata o inicio das escolas ou ata fin de prazas, segundo explican desde a Concellaría de Deportes e desde a Omix. Terán preferencia @s empadroad@s/escolarizad@s en Ribadeo.
Na escola de pesca deportiva o Concello oferta 20 prazas. Esta terá lugar os días: 1, 4, 6, 8, 11, 13, 16, 18, 20, 22 e 24 de xullo de 10 a 14 horas. A escola de vela, que dispón de 15 prazas, desenvolverase en xuño os luns e venres de 16 a 20 horas e en xullo os días 1 e 3 de 16 a 20 horas.
A escola de surf conta con 20 prazas. Esta modalidade terá lugar os días 16, 17, 18, 23, 24, 25 e 30 de xuño de 16 a 18 horas e do 1 ao 17 de xullo (de luns a venres) de 16.00 a 18.00 horas.
A escola de piragüismo oferta 20 prazas. A presentación será o 22 de xuño ás catro da tarde. Haberá dous grupos. O A asistirá os días 1, 15 e 22 de xullo e os días 5, 12 e 19 de agosto de 16.30 a 19.00 horas. E o grupo B acudirá os días 2, 16 e 29 de xullo e 13, 20 e 26 de agosto de 16.30 a 19.00 horas.
E a escola de remo dispón de 20 prazas. Esta modalidade desenvolverase do 17 de xullo ao 8 de agosto, os luns, mércores e venres de 18 a 21 horas e os sábados de 10.00 a 13.00 horas.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
