Lugo, 29 de abril de 2015. O responsable de Cultura e Turismo da Deputación, o nacionalista Mario Outeiro, participou este mércores na presentación das Feiras do Libro que se desenvolverán neste 2015 na provincia de Lugo. No acto, que se celebrou no Salón de Actos do Pazo de San Marcos, tamén estivo presente a presidenta da Federación de Librarías de Galicia, Pilar Rodríguez Álvarez, colectivo que se encarga de organizar estas feiras.
Mario Outeiro salientou que un ano máis, “a Área de Cultura da Deputación de Lugo colabora coa Federación de Librarías de Galicia para organizar catro feiras do libro na provincia de Lugo, sendo a primeira a da capital, que se desenvolverá no mes de maio, e posteriormente as de Viveiro, Foz e Monforte, que se celebrarán as tres consecutivamente no mes de agosto”, apuntou.
O responsable provincial de Cultura concretou que a Feira do Libro de Lugo “volverá celebrarse coincidindo coa semana das Letras Galegas, entre os días 12 e 17 de maio, mentres a que de Viveiro será do 13 ao 16 de agosto, a de Foz do 20 ao 23 dese mesmo mes e pechará o ciclo a de Monforte, entre o 26 e o 29 de agosto”, sinalou.
Apoio decidido a este sector
Mario Outeiro, que tamén agradeceu o apoio dos concellos a estas feiras, considera que a colaboración da Área de Cultura “é unha clara aposta polos libreiros lucenses, así como polo sector do libro. Non só o facemos a través da realización destas feiras do libro, senón cun servizo de publicacións activo e relacionado con temas da nosa provincia, co apoio ao sector editorial para a publicación de libros que teñan de temática Lugo, así como coa organización da Semana do Libro e de animación á lectura, que se vén facendo anualmente cos centros de ensino da nosa provincia. Consideramos que é moi importante animar aos máis pequenos a coller o hábito da lectura”, destacou.
A Vicepresidencia Primeira da Deputación, a través da súa Área de Cultura, ten firmado un convenio coa Federación de Librarías de Galicia por valor de 4.000 euros, polo que cada feira recibe 1.000 euros. Asemade, a área que xestiona Mario Outeiro participa en todos estes eventos cun stand propio.
Pola súa banda, Pilar Rodríguez agradeceu a implicación do organismo provincial. “Temos que agradecer moito a implicación e o papel que xoga a Área de Cultura, porque sen a súa axuda sería imposible sacar adiante estas feiras”, asegurou.
Pese ao difícil momento que atravesa o sector do libro, a presidenta da Federación de Librarías de Galicia felicitouse da boa saúde da que gozan as catro feiras lucenses. “A máis nova é a de Monforte, pero este ano xa vai alcanzar a súa maioría de idade, ao seu 18 aniversario, mentres que a de Viveiro vai por 19 anos, a de Foz por 30 e a de Lugo por 33. Son feiras moi importantes, están completamente asentadas e pensar que algunha non continúe nos vindeiros anos non é doado”, expresou confiada.
Finalmente, recordou que despois da Feira do Libro de Lugo se desenvolverá a Feira do Libro Antigo e de Ocasión, que terá lugar na cidade amurallada entre o 4 e o 19 de xullo. E tamén quixo lembrar a súa aposta por “facer visibles nas nosas feiras a colectivos como os da Once ou a Federación de Persoas Xordas, colectivos que se cadra non son moi numerosos, pero que forman parte da nosa sociedade”, concluíu.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
