A MARIÑA .- O Partido Popular de A Mariña cualificou de “claro exercicio de exceso verbal” as “palabras de Ismael Rego nas que afirmaba que o executivo bipartito triplicou os investimentos para a nosa comarca en relación coa época de goberno autonómico do Partido Popular a un”. Os populares afirman que “o goberno de Touriño e de Quintana foi, en toda a historia democrática, o que menos investiu na nosa comarca”.
Nota de Prensa
O deputado socialista Ismael Rego cometeu un “exceso verbal” que demostra que desde o PSOE perciben unha realidade moi distinta da que poden observar os veciños da nosa comarca
O GOBERNO DE TOURIÑO E DE QUINTANA FOI O QUE MENOS INVESTIU NA MARIÑA LUCENSE EN TODA A HISTORIA DEMOCRÁTICA
o O PP lembra que analizando polo miúdo a falta de execución orzamentaria e a caída nos investimentos destes tres últimos anos as achegas para A Mariña son nun 37,22% menores ca no 2005, último ano de Goberno popular.
A Mariña, 15 de setembro de 2008.- O Partido Popular da Mariña atribúe as palabras de Ismael Rego nas que afirmaba que o Executivo bipartito triplicou os investimentos para a nosa comarca en relación coa época de Goberno autonómico do Partido Popular a un “claro exercicio de exceso verbal por parte do deputado socialista”. Tanto é así que desde a formación popular comarcal chegan a afirmar que “cos datos na man, e analizando polo miúdo a falta da execución orzamentaria de gran parte das partidas contidas nas contas autonómicas e a caída nas achegas da Xunta de Galicia nos respectivos orzamentos elaborados polo bipartito, o Goberno de Touriño e de Quintana foi, en toda a historia democrática, o que menos investiu na nosa comarca”.
UN 15,5% MENOS EN 2008
Así o demostra o feito de que, circunscribíndonos ao último exercicio orzamentario, “o gasto medio por habitante caeu de 297 euros en 2007 a 251 euros en 2008, o que supón unha diminución de 46 euros por mariñán. É máis, a nosa comarca dispuxo de preto de 3,5 millóns de euros menos da Xunta de Galicia con respecto ao que contemplaban as contas autonómicas en 2007. Falamos dun caída no investimento real do 15,55%”
11 MILLÓNS DE EUROS MENOS CA NO 2005
Inclusive facendo a comparativa con respecto ao ano 2005, os datos arroxan un saldo en favor dos investimentos realizados polo último Executivo galego que presidiu Manuel Fraga. Mentres que co Goberno do PPdeG chegaban preto de 30 millóns de euros en investimentos reais, isto é partidas orzamentarias territorializadas en favor dalgún dos concellos da Mariña lucense, co bipartito os 18,8 millóns de euros, isto é, menos do 37,22% ou, en termos de gasto por habitante 149 euros menos.
CHEGA MENOS DIÑEIRO, NON O EXECUTAN TODO
As cifras son aínda máis negativas se temos en conta que non todas as partidas orzamentarias con destino específico na Mariña lucense foron executadas polo Goberno bipartito. De feito o PPdeG calcula que máis do 60% das achegas comprometidas nos orzamentos de 2007 non se chegaron a executar, “algo que de seguro tamén acontecerá no 2008, visto o baixo grado de execución orzamentaria a tres meses de finalizar o ano”.
Os investimentos pendentes superaría os 14 millóns de euros e inlcuen partidas tan importantes como a obras do vial de acceso ao porto de Burela (5 millóns de euros) o treito autonómico do corredor Ferrol-San Cibrao (2,5 millóns de euros) ou a ampliación do Hospital da Costa (1 millón de euros), por poñer uns exemplos.
Se facemos unha simple operación matemática e restamos á cantidade destinada á Mariña nos orzamentos de 2008 (18,8 millóns de euros) o total de investimentos sen executar, polo tanto, o déficit que arrastramos da anterior anualidade, o investimento por cada mariñán reduciríase a 62,54 € é dicir un
A REALIDADE BEN DISTINTA DE COMO A VEN OS SOCIALISTAS
Segundo o Partido Popular da Mariña lucense “a realidade é ben distinta da que nos queren facer crer os socialistas: a nosa comarca foi marxinada ano a ano polas contas do PSOE e do BNG, o que implica que estamos a perder peso no conxunto das comarcas de Galicia”.
“Tal e como acontece coa crise económica, o PSOE seguirá dicindo que aquí non pasa nada, que na Mariña cada vez dispoñemos de máis cartos públicos, pero o certo é que están a faltar a verdade e que, como consecuencia disto, se están a resentir servizos públicos tan básicos como e a sanidade, gravemente deteriorada nos últimos anos ou a propia construción de novas infraestruturas, pois en tres anos de Goberno bipartito non temos nin un só quilómetro construído do corredor costeiros, futura vía chamada a vertebrar o norte da nosa provincia”- explican desde o PP comarcal.
PARTIDO POPULAR DA MARIÑA
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
