A Mariña, 11 de maio de 2015.- A responsable comarcal do Bloque Nacionalista Galego na Mariña, Ana Ermida, pide aos dirixentes do Partido Popular na comarca que “non presuman de Hospital porque nin Feijóo debe estar moi orgulloso do Hospital da Costa, porque a última vez que veu a Burela entrou pola porta de atrás do hospital”, lembrou Ana Ermida. “O Bloque non minte nin esaxera e todos os veciños e veciñas da Mariña ben saben como está a sanidade na comarca, porque a sufren, por moito que Balseiro e Barcia se empeñen en disfrazar a realidade”, afirmou a responsable nacionalista.
A responsable comarcal do BNG pregúntalle aos alcaldes e dirixentes do Partido Popular na comarca, e nomeadamente a Balseiro e Barcia, “máis empeñados en facer de parapeto da Xunta que en defender unha boa sanidade para os veciños e veciñas da Mariña”, se “é mentira que se reduciron médicos e persoal nos Centros de Saúde de moitos concellos ou se hai que seguir indo a Lugo, á Coruña ou a Santiago coma hai 20 anos para operarse ou tratarse de moitas doenzas ou simplemente para facer un bo número de probas diagnósticas”.
O Bloque insiste en pedir “unha atención sanitaria de calidade na comarca da Mariña” porque “os veciños e veciñas da Mariña temos dereito aos mesmos tratamentos e probas diagnósticas que teñen noutros lugares de Galicia sen ter que desprazarnos á Coruña, a Lugo ou a Santiago para recibir eses tratamentos”, afirma Ana Ermida, que denunciou que “segue habendo problemas no Hospital de Burela en servizos como o de Cardioloxía, onde se seguen anulando citas e hai enfermos que levan máis dun ano sen revisión, ou en Traumatolixía, onde hai doentes que esperan meses para poder facer unha resonancia”.
Por iso, Ana Ermida pídelles aos alcaldes e dirixentes do PP “que se poñan do lado dos veciños e veciñas da Mariña e reclamen o que é xusto, como fai o Bloque, unha atención sanitaria de calidade na nosa comarca” e esíxelles a Balseiro e a Barcia “que deixen de enganar á xente con pequenas melloras que son escasas e tardías porque o Hospital da Costa sigue tendo décadas de retraso con respecto a outros hospitais”.
O anuncio de ampliación de Feijóo carece de credibilidade
O BNG acusa do PP “intentar acalar as protestas da xente e as demandas de mellores servizos sanitarios poñendo en marcha servizos en precario como a Hospitalización a domicilio (HADO), con escaso persoal e incapaz de atender a a toda a comarca, ou o servizo de Oncoloxía, con persoal especializado prestado polo hospital de Lugo”, denuncia o Bloque.
En relación ao anuncio da ampliación do Hospital da Costa, feito por Feijóo, Ana Ermida afirma que “carece de credibilidade, porque Feijóo leva seis anos anunciando a ampliación do Hospital de Burela cada vez que hai unhas eleccións” e di que “en todo caso, non é nada extraordinario que se fagan obras nun hospital construído hai 30 anos”.
A sanidade, o primeiro
A responsable comarcal do Bloque reiterou que unha das súas prioridades políticas para os vindeiros catro anos en todos os Concellos do BNG será a defensa dos servizos públicos e nomeadamente dunha sanidade pública e de calidade na comarca da Mariña, tanto na asistencia primaria como na especializada e hospitalaria. Lembrou que nos últimos anos perdéronse facultativos nos centros de primaria de Ribadeo, Cervo e Xove e que os servizos de pediatría de Burela, Mondoñedo, Foz, Lourenzá, O Valadouro e Viveiro están colapsados ou atendidos por persoal non especializado.
“Fronte a estes recortes de médicos, os alcaldes e concelleiros do Bloque protestaron e os do PP non, é unha realidade que está aí e os veciños e veciñas destes concellos teñen que saber á hora de votar quen os defendeu e quen non, quen preferíu defender os recortes de Feijóo”, concluíu Ana Ermida.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
