Marco López, candidato do BNG-Asembleas Abertas á alcaldía de Xove, manifestou onte que “a pegada indiscriminada de carteis en cada proceso electoral dá mala imaxe no noso concello”. Por esta razón, o portavoz nacionalista lembrou a aprobación por unanimidade na cámara municipal dunha moción do seu grupo, debatida no pleno celebrado o 17/10/2011, que “foi respectada por todos os grupos políticos e en todas as convocatorias electorais até o de agora”. Desde o Bloque xovense amosáronse desconcertados pola actitude do PP “por seren incapaces de cumprir as normas aprobadas por eles mesmos” e advertiron que unha medida exemplarizante coma esta “vén de ser eliminada unilateralmente polos populares á primeira de cambio”. Marco López preguntouse se “este é o mellor exemplo que deben dar as institucións públicas á cidadanía” e preguntouse “de que maneira pode unha administración esixirlle o cumprimento das normas aos veciños se o Goberno local despreza os seus propios regulamentos municipais”.
O candidato á alcaldía polo BNG entende que a irresponsabilidade do PP local provoca que, elección tras elección, “os carteis electorais se manteñan varios meses, e incluso anos, pegados nos muros e valados”. Iso, segundo o voceiro do BNG, responde a un “modelo obsoleto” de ausencia de compromiso cos valores medioambientais e estéticos “que non pode ter cabida no noso municipio”, e invitou ao PP a cumprir as súas propias normas colocando a propaganda electoral nos lugares debidamente indicados e sinalizados polo Goberno municipal.
Marco López manifestou que no Bloque xovense “estamos comprometidos cos valores medioambientais e estéticos” e sinalou tamén que “igual que os colocaron, pensamos que é de xustiza retiralos”. Nesta mesma liña, dixo que a iniciativa aprobada no pleno tiña o obxectivo de evitar a “pegada indiscriminada” de carteis e facer de Xove un “concello modelo” co apoio de todos os grupos políticos. O portavoz nacionalista insistiu no respecto ao acordo plenario do 17/10/2011 e recalcou que, así, “daremos unha imaxe moderna e civilizada, o que contribuirá a facer de Xove un municipio atractivo e coidadoso co noso entorno”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
