O Grupo de Sendeirismo de ACD.XOVE organiza a terceira ruta deste ano que se desenvolverá o domingo 17 de maio pola comarca de A Fonsagrada para realizar “O Camiño da República” para coñecer a antiga estrada sen rematar que uniría A Fonsagrada coa localidade asturiana de San Antolín de Ibias nun percorrido que terá como protagonista ó río Navia e o encoro de Grandas de Salime. Tamén aproveitarán a saída para facer outra pequena ruta para coñecer a Seimeira de Vilagocende, a fervenza máis grande e espectacular de Galicia. A saída en autobús dende o Centro Cívico de Xove está prevista para as 08.00 horas. O prezo da actividade é de 17 euros, 15 no caso dos non socios pero federados, 14 para os socios con seguro deportivo e 12 para os socios federados. Os interesados en recibir máis información ou inscribirse, antes do 14 de maio, poden dirixirse á piscina municipal ou ó teléfono 618 97 61 59.
Dende Xove á Fonsagrada para “coñecer o Camiño da República”
Relacionado
-
Os veciños de Xunqueira reuniránse o luns 17 de agosto ás 19:30 horas na Antiga Escola do barrio para abordar a situación creada pola obra de rexeneración do río, que mantén a zona semiocupada desde o desastre ocorrido hai sete anos.
-
A Plataforma pola Paz da Mariña de Lugo e o Occidente Astur convoca para o domingo 23 de agosto en Ribadeo unha manifestación pola paz
-
Presentación de ‘Espiritualidad’
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
