Lugo, 21 de maio de 2015.- O Grupo Provincial do Partido Popular sospeita que o presidente da Deputación, José Ramón Gómez Besteiro, lles agocha as nóminas da Fundación TIC para evitar que se fagan públicos os nomes de persoas ás que o socialista ten contratados neste ente dependente do organismo provincial.
Así o analizaron este xoves os populares tras que o Grupo Provincial do Partido Popular solicitase xa en outubro de 2014 acceso ás nóminas da Fundación TIC, non lle sendo atendida a día de hoxe esta solicitude de información.
Os populares consideran cando menos “sospeitoso” esta actitude do presidente provincial, tendo en conta os antecedentes que obran na política de contratación do socialista no organismo lucense, como foi o caso dado a través da Escola de Piragüismo.
Neste senso, dende o Grupo Popular lamentan que a Deputación se estea a converter nunha axencia de colocación de afíns e lembran que, por exemplo, na Fundación TIC presta servizos un familiar directo dun dos principais organizadores da manifestación sobre os servizos do Hula.
Acceso á documentación
O 3 de outubro de 2014, o deputado do Partido Popular e Conselleiro representante do mesmo na Fundación TIC solicita acceso ás nóminas e facturas da Fundación TIC durante a anualidade 2014
A través de escrito con data 16 de outubro do 2014, dende a Fundación TIC, expoñen que “na sesión do Padroado da Fundación TIC, no primeiro trimestre do ano 2015, aprobaranse as contas anuais, na que se achega toda a documentación solicitada e que vostede, na súa condición de membro do Padroado, terá a súa disposición”.
O presidente convoca sesión do Padroado da Fundación TIC para o 17 de marzo de 2015, en cuxa orde do día figura a aprobación das contas anuais. Entre os expedientes coa documentación a disposición dos patronos non figura a relación de nóminas nin de facturas da Fundación TIC durante a anualidade 2014, incumprindo deste xeito a contestación dada no seu día pola Fundación TIC
O mesmo día 17 de marzo de 2015, a través de escrito con número de rexistro 5806, esíxese de novo acceso ás nóminas e facturas da Fundación TIC durante a anualidade 2014. A maiores, o GPP solicita a intervención do Valedor do Pobo a fin de que os seus dereitos constitucionais sexan respectados. Queixa que foi admitida a trámite.
Por último, os populares presentaron unha moción que se debaterá no próximo pleno provincial na que instan ao presidente da institución a que atenda á petición do Grupo do Partido Popular e lle conceda acceso e copia das nóminas e facturas do 2014.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
