Burela, 29 de maio de 2015. Dan comezo as festas patronais de Burela este mesmo venres ata o martes 9 de xuño con infinidade de actividades. O pregón de Martín Barreiro, meteorólogo de TVE, será este sábado. O alcalde en funcións, José Mª González Barcia, sinala que son días para gozar entre amigos e coa familia e felicita á comisión organizadora polo traballo realizado.
O rexedor dixo que “hoxe comezan as festas patronais aquí, en Burela, uns festexos que son momentos para gozar coa familia e cos amigos. E tamén para honrar á nosa patroa, a Virxe do Carme, e ao patrón, San Xoán Bautista. Estas festas, que nacen moi vinculadas ao mundo do mar, e hoxe son festas para todos”.
González Barcia cre que “a comisión de festas ten preparado un programa realmente atractivo e moi interesante. Polo tanto hai que felicitar ás persoas que forman parte desta comisión polo traballo feito durante estes dous meses. É moi complicado hoxe en día organizar unhas festas patronais. Todo o mundo quere que se celebren as festas do seu pobo, pero moi pouca xente participa de forma directa para organizalas. Tamén hai que agradecerlles ás persoas e ás entidades, ás empresas, aos negocios, aos comercios, etcétera que colaboran de forma activa para que estas festas sexan realidade”.
O alcalde burelés anima “xa non como alcalde senón como veciño, a que todos os residentes de Burela participen de forma activa e tamén a todas as persoas doutros concellos a acercarse a Burela estes días porque seguro que serán ben recibidos”.
O programa dará comezo esta tarde ás 20 horas coa Festa de Cabo Verde na praza de abastos. Ás 21 horas terá lugar unha misa en honra da Virxe do Carme e baixada da imaxe desde a igrexa da Vila do Medio á parroquial. E xa ás 23:30 horas concerto de rap do grupo North Players, na praza da Mariña. Mañá, sábado, haberá tenis e xadrez. Ás 20 horas o meteorólogo da TVE Martín Barreiros pronunciará o pregón das festas patronais de Burela na Casa da Cultura. No acto tamén se presentará a raíña e as dúas donas de honra e actuará a Xove Orquestra Municipal de Burela. Pola noite verbena con Magos de España.
O domingo, 31 de maio, está dedicado ao traxe rexional e aos nen@s. Os días grandes das festas serán os da primeira fin de semana de xuño.
Palilleiras
Este sábado, 30 de maio, tamén se celebra en Burela o IX Encontro de Palilleiras. “Tamén mañá vamos contar cunha nova edición do encontro de palilleiras, no que aproximadamente unhas 850 persoas se van dar cita na nave de redes. E, sen dúbida ningunha, este evento é un dos máis destacados que temos en Burela, porque aparte de estar moi vinculado coa cultura mariñeira, precisamente de aí a coparticipación na organización da Fundación Expomar, ademais dinamiza moitísimo o tecido socioeconómico, xa que son 850 persoas que van estar en Burela mañá durante practicamente todo o día e iso vaise notar seguramente na dinamización, aínda que sexa por un día só, da nosa economía. Polo tanto hai que felicitar tamén á asociación de mulleres encaixeiras e palilleiras de Burela polo traballo que están facendo, que é un labor importante e sacrificado, exactamente igual que o da comisión de festas, e que eu entendo que se debe seguir apoiando desde o Concello”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
