Barreiros, 13 de xuño de 2015.- No pleno celebrado este sábado ás 12 do mediodía, as concelleiras e concelleiros do BNG tomaron posesión das actas acadadas nas eleccións do pasado 24 de maio, tras ter recibido o apoio de 700 persoas que lles permite contar con catro representantes na corporación municipal de Barreiros.
O grupo municipal estará conformado por Ana Ermida e Antonio Veiga, que repiten como representantes na corporación e incorpóranse Montse Porteiro e Dámaso Ratoeira; que accederon ao seu posto de representantes municipais comprometéndose a “defender os intereses xerais de Barreiros e do pobo galego.”
Na súa intervención, a que será novamente portavoz municipal do grupo nacionalista, Ana Ermida, asegurou que “o BNG chega a esta nova corporación reforzado polos apoios recollidos o pasado 24 de maio, que nos permitiron duplicar a nosa representación municipal e que supoñen un aval ao traballo realizado pola formación nacionalista nestes anos.”
“Desde o BNG recollemos as actas que nos corresponden asumindo o compromiso que manifestamos xa durante o periodo electoral: o grupo municipal do BNG daralle voz a todas as veciñas e veciños que o desexen e promoverá, desde as posibilidades que lle outorga a situación na corporación, a participación cidadá nos asuntos municipais”, afirmou. “O noso único compromiso é actuar na defensa dos intereses de Barreiros e do pobo galego e neso poñeremos o máximo esforzo tamén durante estes catro anos”, sinalan desde a formación nacionalista.
Desde o BNG aseguran que “as veciñas e veciños deron mostra do descontento polo xeito de funcionar do goberno municipal saínte e agardan que o Partido Popular teña a capacidade para tomar nota e cambiar na súa actitude.”
“Non podemos confiar nun goberno que se presentou ás eleccións sen un programa público de traballo para estes catro anos e que se define como continuista. Cremos que a labor municipal nos pasados catro anos foi nefasta para Barreiros e foi castigada nas urnas”, sinalou Ana Ermida. “Nós sempre estaremos en disposición de traballar con quen sexa para mellorar o concello e o futuro das veciñas e veciños, pero non o faremos con quen actúe con prepotencia e desprezando a axuda que se ofrece. Vimos de sufrir un goberno municipal que, recurrentemente, rexeitaba as propostas do BNG polo simple feito de vir do BNG ou se as asumía non as executaba. Agardamos que as actitudes cambien nestes catro anos para dar cabida a todo o mundo porque, do contrario, o BNG seguirá traballando por Barreiros, como fixo ata o momento, desde onde corresponda”, aseguran.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
