Barreiros, 13 de xuño de 2015.- O alcalde, Alfonso Fuente, afronta o seu terceiro mandato cos obxectivos de crear emprego en Barreiros e de seguir potenciando o turismo no municipio.
No seu discurso o rexedor popular agradeceu “a participación de todos os veciños e veciñas que acudiron a votar o pasado 24 de maio, así como aos compañeiros e compañeiras da miña formación e do resto de grupos políticos que se presentaron ás eleccións, e nas que en liñas xerais fixemos unha campaña electoral respectuosa”.
Fuente Parga considera que “debemos analizar ese aumento na abstención, un incremento en 200 persoas con respecto a hai catro anos” e subliña que “en Barreiros os veciños e as veciñas votaron maioritariamente ao PP. Barreiros volveu decidir que fose o PP quen gobernase con maioría. En Barreiros o pobo non quere pactos, non quere cambalaches, como está a pasar noutros Concellos e nese sentido encargáronlle ao PP que goberne”.
O alcalde barreirense, que leva 10 anos no cargo, dixo que “no día a día en base ás necesidades que nos marquen os veciños e as veciñas de Barreiros temos que seguir traballando na liña da creación de emprego. A asistencia social aos nosos maiores, aos nenos, etc, está garantida, entón temos que loitar pola creación de emprego, labor que non podemos descoidar, e apoiar ao sector primario, que está a atravesar un momento complicado, e seguir fomentado o turismo, que tamén é base para o noso concello”.
Alfonso Fuente Parga tamén agradeceu “a todos os veciños os esforzos que tiveron que facer ao longo dos últimos catro anos, foron conscientes de que había que tomar medidas, foron conscientes de que para saír da situación na que estaba o país había que tomar decisións, que moitas veces non gustan”.
O rexedor subliñou que “nós nunca lles imos pedir aos veciños cousas que despois nós mesmos fagamos ao contrario” e engadiu que “en Barreiros somos xente de costa, coñecemos ben as mareas e neste caso aguantamos ben a marea política”.
Alfonso Fuente Parga converteuse por primeira vez en alcalde de Barreiros, en maio de 2005, tras o falecemento do seu antecesor Luis Fraga. No 2007, 2011 e 2015 foi o candidato do PP á alcaldía barreirense e nas tres convocatorias foi elixido rexedor por maioría absoluta.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
