Ribadeo, 25 de xuño de 2015.- O 28 de xuño arrinca unha nova edición do Mercado dos domingos, que organizan o Concello e a asociación A Sucadoira. En doce postos situados a carón da praza de abastos o consumidor poderá atopar produtos da horta de Ribadeo e tamén artesáns coma conservas, queixos, embutidos ou pan, entre outros. Todos os domingos ata finais de setembro terá lugar esta cita. A concelleira de Desenvolvemento Local, Ana Martínez, anima a acudir ao Mercado dos domingos.
A edil nacionalista explicou que “o próximo domingo, 28 de xuño, coma cada domingo na tempada estival arrinca o Mercado dos domingos en Ribadeo traéndonos os mellores produtos da nosa horta, unha explosión de sabor e de calidade dentro do que é o local, de produtos sacados directamente da terra para poder degustalos nas nosas mesas. E a esa produción da horta tamén se lle suman os produtos artesáns como son conservas, queixos, embutidos, pan, coitelería en madeira, etc…”.
Ana Martínez dixo que “contamos cun total de 12 postos, que estarán colocados como cada ano diante da praza de abastos. Este mercado está organizado pola asociación de produtores de horta A Sucadoira e o Concello de Ribadeo. En el queremos poñer en valor achegando os produtos ao consumidor, poñendo en valor a importancia do consumo local, da economía máis próxima potenciando tamén o que é o consumo de tempada, o consumo de horta, o consumo de produtos extraídos directamente da horta”.
A concelleira de Desenvolvemento Local engadiu que “este tradicional mercado será os domingos desde este 28 de xuño ata finais de setembro. Queremos convidar á xente a que se achegue a Ribadeo os domingos e que ademais das múltiples actividades das que poderán gozar durante o verán visiten este Mercado dos Domingos”.
A presidenta de A Sucadoira, Ana Isabel Díaz, subliñou que os produtos que o consumidor atopará dos domingos en Ribadeo “van directamente da horta ao mercado, cando os que chegan de fora veñen de cámaras nas que pasan 7 ou 8 días, e despois de facer grandes viaxes. Si ti compras calquera produto, por exemplo xudía ou leituga que foron collidas da horta o día antes ou o mesmo día do mercado pola mañá a diferenza é clara. Son produtos moi naturais e o sabor é totalmente diferente”.
A clientela do Mercado dos domingos foi cambiando co paso do tempo: “a maioría era xente maior, pero agora temos xente nova que lles ensina aos seus cativos a ter unha pequena horta e a que comprendan o valor de todo iso”. Ana Isabel Díaz tamén contou que “temos o problema da continuidade con este traballo, non hai xente que queira quedarse coa horta. Aquí por exemplo somos uns 30 veciños e só dúas nos quedamos na horta. A maioría da xente marchou, emigrou e algúns aínda que non teñan traballo para a horta non queren volver”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
