LUGO.- O Presidente da Deputación convocará a alcaldes da provincia de Lugo, para o día 2, con fin de manter unha reunión para tratar da contratación de subministro de enerxía eléctrica. Uns 25 concellos xa amosaron o seu interese en sumarse á iniciativa da Deputación.
Nota de Prensa
Uns 25 Concellos xa amosaron o seu interese en sumarse á iniciativa da Deputación sobre subministro eléctrico
– O Presidente da Deputación convoca ós Alcaldes o 2 de outubro para informarlles sobre as posibilidades de contratación deste submistro
– Gato Soengas fai un chamamento ós Concellos para que se sumen a esta iniciativa “que pode supoñerlles un importante aforro na factura da electricidade”
– O voceiro socialista denuncia “o gran despilfarro do anterior goberno do PP cos 600.000 euros das escaleiras do Pazo de San Marcos ou os 375.000 para material da Fundación que non teñen nin as televisións máis adiantadas”
O Presidente da Deputación convocará ós Alcaldes e Alcaldesas da provincia o vindeiro 2 de outubro para abordar a contratación de subministro de enerxía eléctrica, segundo avanzou este venres o Deputado de Cooperación cos Concellos, Antonio Gato. O voceiro do grupo socialista sinalou que “a iniciativa promovida pola Deputación de Lugo de contratar o subministro dos Concellos acolléndose ó Real Decreto que permite escoller a empresa subministradora, suscitou un grande interese”. Lembrou que “contratamos unha asistencia técnica, e agora estamos en condicións de afirmar que as posibilidades son reais e supoñerán un importante aforro para as Entidades Municipais que se sumen a esta iniciativa”.
Gato Soengas avanzou que “xa hai uns 25 Concellos que amosaron o seu interese, e poderían engadirse máis. Na reunión do día 2 trasladaremos ós rexedores os pasos necesarios, así como as medidas que se deben tomar para facer efectiva a devandita contratación. Desta iniciativa poden derivarse moitas ventaxas, xa que o que perseguimos é unha economía de escala que permitirá importantes aforros ós Concellos”.
Investimentos en estradas
A Deputación inviste máis de 850.000 euros en obras de mellora en estradas de Viveiro, Xove e Ourol. A Xunta de Goberno deste venres adxudicou provisionalmente dous proxectos. Un deles corresponde á mellora e renovación do afirmado dun treito de 8,5 quilómetros da estrada entre Xove e Viveiro por Valcarría. A adxudicación foi por 537.029 euros, cunha mellora de 51.724 euros. O prazo de execución é de 3 meses.
O segundo proxecto está incluído no POS 2009. Prevé o acondicionamento dun treito de 4,100 quilómetros da estarada provincial de Ourol a Sixto, no Concello de Ourol. As obras adxudicáronse provisionalmente por 314.500 euros. Neste caso, a mellora é por 20.000 euros. O prazo de execución tamén é de 3 meses.
Ademais, acorodouse a devolución dun vehículo contratado polo organismo provincial. O custo estimado do coche ata a finalización do contrato, o 1 de outubro de 2010, era de 5.740 euros. “Coa súa devolución, a Deputación debe aboar ó 10%, é dicir 574 euros. Por tanto, aforramos 5.170 euros”. Por último, aprobáronse 3 contas xustificativas do Plan de Cooperación de Comunidades Veciñais de 2008. As obras suman un presuposto de 52.282 euros, dos que a Deputación achega 33.730.
Despilfarro do goberno do PP
Por outra banda, o voceiro do grupo provincial socialista acusou ós populares de non enterarse cando falan despilfarro nas viaxes en helicóptero do Km0 Xtreme. “Nótase que o señor Barreiro non vén pola Deputación, xa que o organismo provincial non gasta nin un só euro, e o único que fai é intermediar entre os participantes e a empresa para acadar o mellor prezo”.
Pola contra, “o anterior goberno do Partido Popuar si que fixo grandes despilfarros, como os 600.000 euros que se gastaron na contratación da escaleira de entrada do Pazo de San Marcos; ni que fose para subir un monarca ou alguén da realeza”.
Gato Soengas puxo máis exemplos de despilfarro dos populares: “en xullo de 2007, o goberno do PP adxudicou dous contratos para o subministro de material para a Fundación TIC que non teñen nin as televisións máis adiantadas”. Segundo dixo, o anterior goberno aprobou a adquisicón dun Sistema de Mezcla e Grabación de Señal de Vídeo por 221.000 euros e dun Sistema de Monitorado de Retro proxección en Multipantalla por 150.000 euros.
O actual goberno resdindiu estes dous contratos, “xa que entendemos que existe unha total desproporción entre este gasto e as necesidades que ten a Fundación TIC. Imos empregar eses cartos en material para a formación dos alumnos e tamén para axudar ós Concellos na implantación da TDT”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
