BURELA .- O grupo municipal do PP no concello de Burela, por medio do edil, Luis Pedre, asegurou que desde finais do mes de xullo “non se expoñen ó público os resultados quincenais das análises sanitarias da auga das praias de Burela, o que incumpre unha das condicións de Bandeira Azul”. Os populares explican que “optaron por facer pública esta situación cando remata a campaña de praias, para que ninguén poida dicir que tentamos torpedear o labor do goberno municipal”.
Caos de tráfico
Por outra banda o Partido Popular de Burela denunciou o caos de tráfico que houbo o luns en Burela con motivo do pintado da ponte de FEVE en Eijo Garay. Os populares aseguran que o único paso para o porto era Circunvalación, xa que tamén estaba cortado o acceso por Suafonte.
Nota de Prensa
O PP afirma que desde finais de Xullo non se expuñeron as análises sanitarias da auga das praias.
Luis Pedre lembra que é obrigatoria a exposición pública de tales datos.
Pedre considera que con esa forma de actuar tírase por terra o traballo feito durante doce anos.
O GMPP de Burela, a través do seu concelleiro Luis Pedre, manifestou hoxe que desde finais de Xullo non se expoñen ó público os resultados quincenais das análises sanitarias da auga das praias de Burela, o que incumple unha das condicións de Bandeira Azul e limita a información á que teñen dereito os usuarios das praias, sobre de todo en casos que teñen que ver coa saúde pública.
Luis Pedre asegurou que non hai copias de tales análises expostas ó público nas praias, e os últimos datos que se expoñen están na cartelería, e datan de finais de Xullo. Os resultados das análiticas da auga, que indican se é apta ou non para o baño, son remitidos pola Consellería de Sanidade en modelo oficial.
Para os populares, con este xeito de actuar tírase por terra parte do traballo feito durante os doce anos de goberno popular. Para Pedre, as praias de Burela reúnen equipamentos de primeira calidade, pero porque xa os tiñan, non porque o bigoberno fixera nada novo, que nada fixo agás poñer duchas fixas e cambiar a cartelerìa.
Os populares indican que optaron por facer pública esta situación cando remata a campaña de praias, para que ninguén poida decir que tentamos torpedear o labor do goberno municipal.
———————-
O PP de Burela denuncia o caos de tráfico existente en Burela.
Onte, luns, pola tarde, o único acceso ó porto era Circunvalación.
Os populares esixen do alcalde “máis traballo e menos festas”.
O Partido Popular de Burela denunciou o caos de tráfico que houbo onte luns en Burela con motivo do pintado da ponte de FEVE en Eijo Garay. Os populares aseguran que o único paso para o porto era Circunvalación, xa que tamén estaba cortado o acceso por Suafonte.
Para os populares, a improvisación do alcalde é tal que xa hai que esixirlle menos festas e máis traballo, porque a pereza, a vagancia, e a incapacidade para o cargo están máis que manifestas.
Todos estamos de acordo en que hai que pintar a ponte de FEVE en Eijo Garay, pero hai que facer os traballos con sentidiño, algo que non tén o alcalde, que pola contra colapsou o tráfico en Burela orixinado atascos e cabreos entre os conductores que non tiñan por que terse producido.
O Partido Popular de Burela.
En Burela, a dezaseis de Setembro de dous mil oito.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
