Burela, 16 de Xullo de 2015.- Este non está a ser un verán calquera no litoral burelao, posto que nas praias nas que fai un ano traballaban 10 rapaces e rapazas agora hai dous profesionais menos, xa que a Xunta de Galiza concedeu unha subvención menor que as anteriores coa que só se permite contratar 8 socorristas para as praias burelás, tres das cales, A Marosa, Ril e o Portelo, contan co distintivo de Bandeira Azul.
Para os nacionalistas, que solicitaron mediante o seu portavoz municipal todo expediente da subvención e da contratatración posterior, este feito non é mais que un novo recurte que o PP neste caso mediante a administración galega infrinxe á veciñanza, posto que é evidente que con dous profesionais menos o servizo non pode ser o mesmo. Isto xa se está a notar mesmo no horario do servizo, que polo recorte de persoal se modificou con respecto a anos anteriores.
Para Mario Pillado “é imposible que o servizo se leve a cabo nas mesmas condicións cando se reduce o persoal nun 20 %, os rapaces fan o que poden e cando lles mandan, pero son conscientes da situación á que se enfrontan este Verán, posto que nas praias eles son a cara visible do concello de Burela”.
Fai unhas semanas, coincidindo co comezo do servizo, tanto o portavoz municipal, Pillado, como a concelleira Dori González foron praia por praia interesándose pola situación e escoitando as demandas dos socorristas. Estes indicaron que non só é unha cuestión de horario senón que é mais difícil repartirse para as tres praias sendo so 8 que si estivesen os 10 habituais, tendo en conta que en praias tan concorridas como O Portelo e A Marosa, esta última de especial perigosidade, teñen que ter un número mínimo de profesionais para garantir a seguridade no servizo.
Os nacionalistas culpabilizan tamén ó anterior goberno municipal popular de non poder contratar máis socorristas
Cando os representantes do BNG de Burela se interesaron pola posibilidade de que o concello contratase e se fixese cargo desas dúas prazas que faltarían para chegar os 10 traballadores cos que se prestou o servizo nos últimos anos, topáronse con que o plan económico-financeiro elaborado pola intervención municipal e que rexe o gasto en persoal municipal, impide acometer esas contratacións que mellorasen o servizo de socorrismo. E esta imposibilidade débese a que o anterior goberno municipal do Partido Popular incumpriu a regra do gasto sistemáticamente nos últimos dous anos, o que obrigou a elaborar o mencionado plan económico-financeiro que imposibilita ofrecer un servizo con 10 socorristas como de costume. “Os campións da austeridade, os que se felicitaban pola súa xestión económica, racharon as normas seguido e agora pagámolo todos e todas en servizos básicos coma este de socorrismo, mesmo despois de que deixasen o poder” espetou Pillado que recorda que “Barcia anunciou a bombo e platillo a subvención da Xunta o pasado 9 de Xuño, pero nin indicaba naquel momento que a subvención era menor nin que se empeoraba o servizo”.
Noutros concellos limítrofes, a subvención concedida foi similar á do caso de Burela, pero vanse cubrindo prazas ata garantir o servizo, con fondos do concello, algo que no concello burelao non se pode facer grazas á desfeita popular. Se ben non se están a cubrir tódalas prazas por motivos de número de socorristas, éstas súplense con técnicos sanitarios, polo que se tenta manter o servizo. Ademáis o número de socorristas co que sempre contaron eses concellos é moi superior ó do caso de Burela no que se trataría de contratar sinxelamente a dous socorristas mais, polo que semella que se trata de realidades totalmente diferentes.
Algo que chama, e moito, a atención dos nacionalistas é o feito de que a solicitude da devandita subvención da Xunta foi cuberta e enviada pola alcaldía do concello o día 30 de Xaneiro e ata que en Xuño a Xunta concede as axudas non hai ningún outro traballo feito nese ámbito. Semella que se nos últimos meses do Inverno e na Primavera se prepara o terreo e inician outro tipo de trámites e actuacións, sexa mais fácil que estén dispoñibles mais socorristas para contratar e que o servizo non comece entrado o mes de Xullo, “sabendo que tódolos anos chega o Verán, que en Burela hai as praias que hai e que a xente vai as praias, semella un sen sentido esperar ata o final para facer todo”, neste senso insta ó actual alcalde, Alfredo Llano, a traballar para tentar solventar todos estes problemas e que no futuro non se repita a situación actual.
Ó igual que fixo na reunión que en Setembro de 2014 tivo o Comité para a Xestión das Praias, o portavoz nacionalista, cre que “aquí en Burela os veciños comezan a poboar as praias a mediados de Xuño, porque soe ser un mes con bastante bo tempo, e non deixan esa costume ata mediados de Setembro, polo que sería interesante que en lugar de dous foran tres os meses que dura o servizo de socorrismo”. Esta e outras ideas voltarán a ser levadas a ese Comité, posto que o portavoz do bloque foi designado para seguir formando parte dese ente, para tentar dar voz á veciñanza.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
