É inherente á mocidade que queira cambiar o mundo o de traballar niso con moitísimo ímpetu e certa dose de inxenuidade, virtudes parapeto necesarias para seguir en tan ardua tarefa ata comprobar que nin é tan fácil nin “to er mundo e güeno” que din polo sur, pero pasiño a pasiño avánzase, é o que ten a utopía.
Quen vivimos a Franco na xuventude e crecemos dándonos conta do infernal daquel réxime, criamos cos ollos pechados que aquilo era remediable, e así foi, tocounos en sorte o mellor da estreada democracia, un benestar social insospeitado, pleno emprego, unha sanidade como nunca tivo iste pais, a integración en Europa, vivenda e confort ata dicir basta e ter que loitar contra o sumo consumo que nos consumía.
Desde 1982, España foi outra. Pero, como todo na vida, aquilo madurou mal e onde hai moito diñeiro hai moita tentación, que decía Don Amador o cura de Cordido, non digamos onde hai moito poder. O diñeiro e o poder,fan moi mala maridaxe para os que se renden á rapiña. Foronse formando unos partidos cómplices que se defenden a si mesmos coma se dun ente superior tratásese, con máis acordos tácitos de non agresión que esixencia mutua de transparencia. Todos acabaron metendo a man na caixa común, uns ao grande e outros ás migallas, suficiente para ter que calar.
A corrupción, a desmandada globalización protexida por malos políticos que negocian en segredo un Tratado de Libre Comercio que pode acabar coa soberanía dos pobos, o seu desprezo absoluto cara ao ser human nacional ou inmigrante, cara ao cidadán e os dereitos básicos, ese é o escenario hoxe. E, ante ese panorama, os partidos inmersos na merda ata os ollos pretenden salvar os trastos presentando una nova faciana e máis obxecto de chanza que de aplauso, Pero, as trampas non gañan eleccións, gáñanas o bo facer, a limpeza, a honestidade, a coherencia e a seriedade, recoñecer as fraudes e non destruír as probas xudiciais, dar a cara e sobre todo, deixar de trampear, que non somos parvos.
Otero Regal.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
