Santiago, 23 de xullo de 2015.- O Grupo Popular defende, a través dunha proposición non de lei rexistrada para o seu debate e votación no Parlamento de Galicia, o carácter de policía xudicial que, no desempeño das súas funcións, realizan os axentes forestais e medio ambientais.
O voceiro de Montes dos populares galegos, Jose Manuel Balseiro, explica que esta iniciativa pretende aproveitar o actual cambio legal da lexislación procesual para que, en ausencia de regulación específica, se blinde legalmente o recoñecemento desta actividade de colaboración e auxilio á administración de xustiza que realiza este colectivo
Múltiples vantaxes
Desde o Grupo Popular queren que a nova lexislación garanta un axeitado desempeño laboral dos colectivos de axentes forestais e medio ambientais, coa maior eficacia e eficiencia posible, en exercicio das súas funcións como traballadores públicos
A iniciativa contribuirá tamén de xeito positivo a reforzar o papel destes profesionais na investigación e persecución dos delitos contra a ordenación do territorio e o medio ambiente. “Trátase dunha reivindicación destes profesionais que por exemplo -lembra Balseiro- podería mellorar a persecución dos causantes dos incendios forestais que tanto dano ocasionan todos os anos”.
Funcións de grande importancia
Os axentes forestais e ambientais, son colectivos de funcionarios públicos que teñen encomendadas, entre outras, o exercicio das funcións de policía administrativa forestal e ambiental. “Velan polo cumprimento da normativa en materia forestal e de protección, xestión e conservación da natureza, investigando as causas e os presuntos autores das infraccións que se cometan nestes ámbitos e coa condición de axentes da autoridade”
Desde o Grupo Popular sempre defenderon esta labor, de xeito especial, cando xurdiu un debate sobre si esta recoñecemento debía aparecer expresado como tal na lexislación estatal sobre Montes. Os populares eran partidarios de manter o recoñecemento no ámbito procesual e, en coherencia con esa liña, rexistran esta iniciativa, que en todo caso acolle a reivindicación destes profesionais
Galicia, primeira potencia forestal
Balseiro lembra que en Galicia, como primeira potencia forestal no conxunto de España, o monte representa un recurso de especial protección e grande importancia económica e social, derivada do aproveitamento da madeira e doutros recursos a el vinculado. De aí tamén, a importancia dos profesionais públicos encargados da súa vixilancia.
Xunto a iso Balseiro salienta que, por dereito constitucional, as cidadás e cidadáns galegos teñen dereito a gozar dun medio ambiente saudable e ben coidado para desenvolver a súa vida nas mellores condicións posibles e legar así este patrimonio ás xeracións futuras, garantías que son obxecto de protección precisamente polo traballo destes axentes forestais e ambientais.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
