Ribadeo, 5 de agosto de 2015.- O auditorio ao aire libre de Cabanela, no paseo marítimo ribadense, acollerá un concerto da Banda Municipal de Música de Ribadeo e unha churrascada organizada pola asociación Amadores da Música. Será este sábado, día 8, a partir das 21 horas.
Este evento está incluído dentro do intenso programa de actividades da banda de música ribadense para este mes de agosto, que empezou o pasado día 1 coa actuación xunto co trío Vaamonde, Lamas e Romero no parque ribadense de San Francisco, dentro da programación da Xira a Santa Cruz organizada pola asociación Amigos da Gaita Galega. O seguinte acto será o concerto da sección de percusión da Banda de Ribadeo xunto co grupo Calabash, que terá lugar este venres, día 7, ás 22:30 horas no Cine Teatro, dirixido por Marcos Rodríguez Rodríguez.
O venres 14 de agosto ás 22:30 horas nas inmediacións do parque de San Francisco actuará a sección de vento-madeira da Banda xunto co grupo Clarinet Connection, coa dirección de David Ballester Martínez, que tamén dirixirá o concerto da Banda Municipal de Ribadeo programado para o día 16 de agosto, festividade de San Roque, despois da procesión. Ademais actuará nun festival de bandas que terá lugar na localidade pontevedresa de A Guarda o 22 e ao día seguinte, o 23, no Festival Internacional de Música Clásica de Ribadeo, concerto que se celebrará no auditorio municipal Hernán Naval ás 21:30 horas.
A actividade de Amadores da Música para este mes continuará o día 25, martes, cunha actuación da sección de vento-metal da Banda xunto co quinteto de metais Ribadeo Brass, baixo a dirección de Rubén Solloso Irimia. Será ás 22:30 horas nas inmediacións do parque de San Francisco.
E a intensa actividade da Banda Municipal de Música de Ribadeo para este mes de agosto rematará o venres 28 cun concerto de música de cine con proxección de imaxes das películas, dirixido por David Ballester Martínez. Será no ribadense parque de San Francisco ás 22:30 horas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
