Sábado, 15 de agosto de 2015.- O delegado de pesca na Deputación de Lugo, Demetrio Salgueiro, salientou este sábado os 95.285 euros que o Organismo provincial destinará ás Confrarías da provincia que solicitaron as axudas para o sector pesqueiro.
O popular explicou que o Ente Provincial recibiu 36 solicitudes para pescadores, das cales, 33 foron aprobadas, dúas denegadas e houbo unha renuncia. Aclarou que se denegaron dúas porque unha tratouse dunha solicitude para unha embarcación domiciliada fóra da provincia lucense e outra por presentarse fóra de prazo.
“Podemos dicir, polo tanto, que o 100% das solicitudes rexistradas que cumpriron os requisitos foron aprobadas e a maioría no total do importe da solicitude presentada”- manifestou Demetrio Salgueiro.
O deputado delegado de pesca explicou que esta liña de axudas ten por obxecto o apoio ao sector pesqueiro de baixura coa mellora de embarcacións con porto base na Mariña Lucense e afirmou que é un exemplo máis do compromiso do PP co sector pesqueiro, “que xa tiñamos dende a oposición e que queremos sacar adiante agora con responsabilidades de goberno”.
Salgueiro lembrou que nada máis tomar posesión o goberno do PP na Deputación de Lugo, reuníronse con representantes do sector pesqueiro, onde se comprometeron a axilizar a resolución destas axudas que foron aprobadas no día de onte na Xunta de Goberno de forma definitiva. Engadiu o popular que desa xuntanza tamén saíron outras peticións por parte dos profesionais do mar que agora o Ente Provincial estuda levar a cabo.
MÁIS AXUDAS PARA ESTE SECTOR
O popular avanzou que a Deputación de Lugo está a estudar dúas novas liñas de axudas para este sector. Unha, dirixida ás mariscadoras para que poidan mercar equipamento como traxes de neoprenos e desenvolver con seguridade o seu traballo e outra dirixida á Federación Provincial de Confrarías, que leva a cabo accións de promoción do sector pesqueiro, unha das labores fundamentais para poder promocionar de forma conxunta os produtos da nosa provincia e que repercutan no sector.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
