O Deputado provincial socialista, Pablo Rivera Capón, desvelou este luns que o Goberno Provincial do Partido Popular ten que devolver á Unión Europea 90.000 euros que o Executivo progresista de Gómez Besteiro acadou a través do Pacto Provincial polo Emprego para a celebración de 9 accións formativas con prácticas remuneradas en empresas da provincia, dirixidas a 135 desempregados lucenses. “Esta situación é irreversible. Polo tanto, Candia destruíu 135 empregos na provincia e perdeu 90.000 euros de fondos europeos. Este é un novo e claro exemplo da situación de parálise absoluta na que mantén ao organismo provincial, xa que o único que está a facer é tentar limpar a imaxe do PP e de Feijóo, mentres destrúe todo o que durante 8 anos acadou Gómez Besteiro para os lucenses”.
Rivera Capón explicou que “aínda ter todo listo, pois deixamos totalmente programados os cursos do Pacto Provincial polo Emprego tras acadar máis de 4 millóns de euros do Fondo Social Europeo, os populares non foron capaces nin de convocar a tempo 5 cursos desta programación, polo que ninguén se inscribiu nos mesmos, e directamente xa renunciaron á celebración doutros 4. Así xestiona os fondos provinciais o Goberno de Candia e así responde á principal preocupación dos lucenses: o emprego”, remarcou.
Os cursos perdidos polo PP, que estaban programados para celebrárense en Concellos de toda a provincia, ofrecían gratis a desempregados lucenses formación profesional sobre o sector do benestar, un dos principais nichos de emprego na provincia, co obxectivo de facilitar a súa inserción laboral e potenciar a calidade de vida. Concretamente, eran 5 cursos de Coidador de discapacitados físicos e psíquicos e 4 de Atención especializada para enfermos de Alzheimer. Incluían clases teóricas e prácticas en empresas e asociacións da provincia. Durante todo este proceso, é dicir, tanto na parte teórica como na práctica, os beneficiados recibirían uns 400 euros ao mes, que é o equivalente ao 75% do IPREM, a cantidade máxima que permite conceder a normativa que regula o Fondo Social Europeo.
A 1ª vez que a Deputación ten que devolver fondos á UE
Esta é a primeira e única vez que a Deputación de Lugo ten que devolver fondos á Unión Europea por non executalos. En contraposición co conseguido polo Executivo popular de Candia, o Goberno progresista de Gómez Besteiro foi premiado ata en 3 ocasións pola Unión Europea pola súa xestión de fondos europeos, recibindo 3,3 millóns de euros máis para a provincia cos repartos de remanentes:
1ª.- co reparto de remanentes do Fondo Europeo de Desarrollo Regional (FEDER), no que se incluíron as primeiras partes do Innova-TE e Lug02, a Unión Europea concedeu á Deputación de Lugo 1,4 millóns de euros, sendo a entidade local de Galicia que recibía o maior presuposto.
2ª.- co reparto de remanentes das axudas do Fondo Social Europeo, no que se incluíu o primeiro Pacto Provincial polo Emprego que ofreceu formación e prácticas remuneradas a máis de 1.000 desempregados lucenses, a UE concedeu 600.000 euros á institución luguesa
3ª.- hai tan só unhas semanas fixo por terceira vez, concedendo 1,5 millóns de euros máis para a provincia co reparto de remanentes das axudas do Fondo Europeo de Desenvolvemento Rexional (FEDER) para a convocatoria de 2011, no que se incluíron as segundas edicións dos programas Innova-TE e Lug02.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
