Foz, 21 de agosto de 2015. O alcalde de Foz, Javier Jorge Castiñeira, respondeu ás declaracións dos socialistas de Foz, que nos pasados días acusaron ao goberno municipal popular de abandonar a escola de música. O rexedor amosouse sorprendido polas críticas do PSOE, que cualificou de demagóxicas, e lembrou que co seu goberno, no anterior mandato municipal, foi cando o centro educativo foi trasladado a unhas mellores instalacións e outro goberno popular foi o que fundou a escola.
“A situación da Escola Municipal de Música de Foz nestes últimos catro anos mellorou substancialmente. Foi este goberno o que, logo de 16 anos de abandono e de estar a Escola metida nun cuchitril onde non había unhas condicións propias para a actividade da escola de Música, inverteu neste cambio a petición do propio director. Se alguén mellorou algo as condicións da Escola de Música foi o Partido Popular. Hai que lembrar tamén un goberno do PP foi o que fundou a Escola de Música de Foz, gobernado naquel momento por Manuel María Neira, sen o apoio do Partido Socialista. Polo tanto, que me diga a min o Partido Socialista o que fixo en 16 anos pola Escola de Música: absolutamente nada; e veñen agora a protestar, cando a Escola de Música está vivindo un bo momento”, respondeu Javier Castiñeira.
O alcalde, que onte mantivo unha reunión cos representantes da asociación de nais e pais dos alumnos, explicou que trala xubilación do director vaise convocar unha praza para substituílo e a partir dese momento planificarase o futuro do centro: “é verdade que está nun momento de transición porque se xubilou o director e hai que sacar unha praza nova. Esa persoa será a que faga a planificación da actividade futura da Escola de Música. A situación laboral dos profesores é exactamente igual que había cando gobernaba o Partido Socialista, exactamente a mesma a situación legal que nos permite hoxe en día a contratación dos profesores da Escola de Música. Polo tanto, tranquilidade absoluta. Onte mostrámoslle a situación aos representantes da ANPA e entendo que comprenden a situación de transición. Unha vez haxa un novo director e unha praza estable, esa persoa será a que organice a estrutura da Escola de Música e a súa actividade”, detallou.
Javier Castiñeira engadiu: “pedímoslle ao PSOE de Foz que deixe de seguir usando os métodos que herdou de Unifoz, que non faga demagoxia e que recoñeza o traballo que se está facendo dende o goberno sen apoio de ninguén. Non imos admitir para nada de críticas que non teñen ningunha razón de ser”, rematou.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
