Foz, 27 de agosto de 2015. Os membros da oposición da Corporación Municipal no Concello de Foz veñen de presentar xuntos a solicitude dun Pleno Extraordinario a celebrar o próximo luns 31 de agosto.
Pretenden debatir neste Pleno temas tan importantes como a situación actual da Escola de Música Municipal e adoptar posibles medidas para mellorala.
A Escola de Música Municipal leva máis de 20 anos formando a focegos e focegas e enriquecendo a vida cultural da vila. Temos que estarlle agradecidos por todo o bon traballo que levan feito e pola súa dedicación a pesar das condicións precarias en que tiveron que desenvolver ata o de agora o seu traballo. Pensamos que é hora de facer xustiza e de facilitarlle á Escola e aos seus membros unhas mellores condicións educativas, laborais e orzamentarias.
En primeiro lugar solicítase que se estude pormenorizadamente o proxecto proposto pola Escola para ampliar a oferta educativa, así como as prazas dispoñibles e os horarios. Cremos que é de xustiza non só permitir, senon facilitar que a escola medre e evolucione segundo as súas necesidades e as demandas dos veciños e veciñas.
En segundo lugar, esíxese que se estude o proxecto económico, que inclúe os ingresos vía taxas de matriculación e os gastos estimados de contratación de profesorado nunhas condicións mínimas de estabilidade laboral. Non podemos aspirar a ter unha formación musical da mellor calidade se os profesores non contan cunhas mínimas condicións laborais. Actualmente contan na Escola de Música de Foz con algún dos profesionais máis respectados e recoñecidos de Galicia dentro das súas especialidades e non podemos permitirnos deixalos escapar. Do mesmo xeito solicítase o estudo dunha modificación dos orzamentos actuais para cubrir as necesidades da Escola ata que se aproben os orzamentos do ano 2016.
En terceiro lugar, pídese que o curso dure de 1 de outubro a 21 de xuño e que se estableza un prazo de pre-matrícula para poder ter unha estimación do número de alumnos interesados e así poder organizar os horarios en consecuencia. Este período de pre-matrícula será entre o 1 o 15 de setembro, de xeito que o período de matrícula poida ser do 16 ao 30 e así comezar as clases o 1 de outubro e non a mediados de novembro, como viña ocorrendo ultimamente. En cursos posteriores, o prazo de prematrícula podería establecerse no mes de xullo e o de matrícula no mes de setembro.
En cuarto lugar solicítase que se estableza a posibilidade de pagamento fraccionado en dous ou tres prazos (trimestral ou cuadrimestral) a través de domiciliación bancaria, de forma que se lle facilite ás familias, especialmente ás que teñen máis dun neno matriculado, o pagamento das taxas.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
