Santiago, 16 de setembro de 2015.- Durante o curso 2014-2015, máis de 1.500 alumnos e alumnas da provincia de Lugo realizaron prácticas de Formación Profesional en 1.235 centros de traballo, complementando así a formación que reciben na aula cunha máis vinculada ao mundo real na empresa.
A formación en centros de traballo (FCT) é un módulo de carácter obrigatorio en todos os ciclos formativos que permite ao alumnado desenvolverse nun ámbito produtivo real, realizando actividades propias do perfil profesional para o que se está preparando. Deste xeito, e ademais de poñer en práctica e seguir afondando nos coñecementos adquiridos nos centros educativos, os rapaces e rapazas experimentan de preto o funcionamento dunha empresa, o que os prepara para o futuro mercado laboral. De feito, estas prácticas buscan favorecer e mellorar a inserción profesional dos mozos e mozas.
Ademais, a Consellería de Cultura e Educación leva investido máis de 8 millóns de euros desde 2009 para apoiar ao alumnado en prácticas nos seus desprazamentos.
Case 14.000 en Galicia e fóra
En total, 13.979 alumnos e alumnas realizaron o curso pasado formación práctica en 10.866 centros de traballo de toda Galicia e fóra da Comunidade; de feito 500 deles optaron polo estranxeiro. Isto supón algo máis de 5,5 millóns de horas empregadas no obxectivo de completar a formación dos estudantes, o que demostra tamén o compromiso e implicación do tecido empresarial galego coa xente moza.
No caso da comarca da Mariña foron un total de 316 centros de traballo os que acolleron a 403 alumnos e alumnas.
Cómpre recordar que estas prácticas en empresas son posibles grazas á ampla oferta de ciclos formativos que cada ano realiza o departamento educativo da Xunta, permitindo incrementar así a matriculación curso a curso. De feito, e segundo as previsións iniciais da Consellería, neste 2015-2016 matricularanse en torno a 53.400 alumnos e alumnas, o que suporía un 3,4% máis con respecto ao ano pasado.
Máis de 2.500 prazas para ciclos
No caso concreto da provincia de Lugo, este curso ofértanse 2.580 prazas para ciclos de grao medio (1.409 distribuídas en 55 ciclos) e de grao superior (1.171 distribuídas en 45 ciclos) de réxime ordinario.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.