Ribadeo, 2 de outubro de 2015.- Seguindo co seu compromiso con este deporte, a sección de Tenis de mesa da S.D. Ribadeo contará esta tempada coa valiosísima incorporación, como adestrador, de Salvador Alfonso, do club Luarca Tenis de Mesa, onde exerce como máximo responsable deportivo, e onde está logrando grandes resultados cos nenos ao seu cargo en distintos torneos e competicións a nivel rexional e nacional.
A súa función no club será a de adestrador e director deportivo tanto de nenos como de adultos aínda que estará especialmente dedicado á formación dos nenos, tanto dos inscritos a través das escolas municipais, como dos inscritos directamente no club.
Agora que xa se pechou o prazo de inscrición nas escolas municipais, todos os nenos que queiran aínda poden inscribirse por esta vía. O prezo de dita inscrición no club será o mesmo que o das escolas municipais.
Con motivo desta incorporación e a modo de presentación, Salvador Alfonso, xunto con algúns nenos do club Luarca Tenis de Mesa, e coa colaboración de nenos e monitores do club ribadense, ofrecerá unha exhibición este sábado 3 de Outubro no Pavillón novo de Ribadeo a partir das 12:30.
Salvador Alfonso conta cun palmarés impresionante. Estes son só algúns dos seus moitos logros deportivos:
Campión de Asturias en varias categorías
Xogador de División de Honra en dous equipos distintos
Premio ao deporte Cidade de Oviedo 2008
Seleccionador asturiano escolar
Xogador e adestrador xuvenil e infantil de numerosos Campionatos de España
Campión de Cantabria en dobres e equipos
Campión do torneo Zonal e Estatal 2015 en categoría veteranos 40
Etc…
Desde o club convidan a todo o mundo a asistir a esta exhibición onde, ademais de pasar un intre divertido en familia, intentarán dar a coñecer un pouco as enormes e a miúdo descoñecidas virtudes deste deporte apaixonante.
As vantaxes deste deporte son moitas e demostradas por estudos científicos avalados ata pola mismísima NASA que nun estudo propio concluíu que o Tenis de Mesa é un dos deportes máis completos e o máis complexo no alto nivel. Este é un pequeno extracto de devandito estudo:
“O tenis de mesa foi e será un dos deportes máis complexos e emocionantes que pode existir. Non só consiste en pasar a pelota dun lado ao outro e conseguir un punto ao seu favor. Este deporte levado a un nivel bastante avanzado, é o xogo máis completo de intelixencia, rapidez mental, axilidade de movementos, bos reflexos e unha longa serie de complementos que fan deste deporte o máis rápido de todos segundo a velocidade da pelota, e ún dos máis emocionantes e vistosos do mundo”.
Segundo os estudos da NASA, o tenis de mesa ou popularmente denominado “ping pong” é unha das actividades máis complexas que pode levar a cabo unha persoa trala de ser astronauta.
-Potencia a capacidade de concentración
-Mellora o equilibrio
-Aumenta a capacidade de reacción e os reflexos
-Desenvolve a capacidade de toma de decisións
-Ao ser un deporte individual e colectivo aúna as vantaxes de ambas modalidades
-Maiores posibilidades de chegar a un alto nivel e destacar que noutros deportes máis masificados
-É un deporte complementario e totalmente compatible cos demais deportes
-Maior tempo e atención que pode dedicar o adestrador a cada neno
-É ideal tanto para nenos dotados como para nenos non especialmente dotados físicamente xa que é un deporte no que a habilidade e intelixencia pode suplir a falta de axilidade, e viceversa
-O risco de lesións é mínimo e á vez é un deporte moi completo a nivel físico
-É un deporte que se goza desde o primeiro momento e ninguén se ve excluído.
-Por ser un deporte de interior, a climatoloxía nunca é un factor condicionante
Así pois, desde o club animan a achegarse ao Pavillón municipal de Ribadeo (novo), a coñecelos e a gozar dun bo intre en familia, o sábado, día 3 de Outubro ás 12:30.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
