Foz, 14 de outubro de 2015. Cine, teatro e charlas son algunhas das propostas da Concellería de Cultura, que dirixe Silvia Blach, para as vindeiras semanas.
Cinema no cenima
Este xoves 15 de outubro, ás 20.30 horas volve o Cinema no Cenima coa proxección da película Guillaume e os rapaces, á mesa, unha comedia francesa de Guillaume Gallienne. O prezo das entradas é de 3 euros e a taquilla abrirá ás 20.00 horas.
Os máis pequenos da casa tamén gozarán de Cinema no Cenima o 25 de outubro ás 18.30 horas. Ese día poderán ver O pequeno mago, un filme de animación para o público familiar. Sipnose: uns perigosos piratas normandos atracan na pequena cidade galega de Tui, dispostos a saqueala. Bieito Dubidoso, un neno de tan só 9 anos, pero armado dunha maxia sorprendente, logra que os malvados guerreiros fuxan espavorecidos…
O prezo da entrada será de 3 euros.
A Maruxaina e outras sereas
Por outra banda, este venres, 16 de outubro, ás 10.30 horas no IES de Foz inícianse as actividades enmarcadas dentro do programa da exposición que se está a exhibir no Cenima durante o mes de outubro ‘A Maruxaina e outras sereas’. O venres haberá un relatorio sobre a “Relación entre saúde e elementos utilizados na fabricación de recipientes de cerámica”, a cargo de Otero Regal. O 23 de outubro ás 20.00 horas no propio Cenima proxectarase o audiovisual Auga, terra e lume, de Otero Regal. Unha proxección da que gozarán os escolares durante toda a mañá. E os días 30 e 31 de outubro ás 20.00 horas no Cenima haberá outro relatorio e proxección sobre Sereas e faros, a cargo de Pablo Mosquera (médico e escritor) e Paco Rivas (poeta).
Teatro para adultos
O 29 de outubro ás 21.00 horas a Casa da Cultura acollerá a representación da obra de Cándido Pazó As do peixe, que protagonizan Susana Dans, Mónica Caamaño, Casilda Alfaro e Rocío González. O prezo da entrada será de 3 euros.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
