Burela, 23 de outubro de 2015.- Espectacular vitoria do Burela Pescados Rubén (5-8) na cancha do Catgas E. Santa Coloma con Chino como protagonista co seu repóquer de goles. A escuadra dirixida por Daniel Ibañes mostrou o seu carácter e determinación nun duelo aberto e con alternativas no xogo e no marcador. O primeiro en golpear foi o conxunto mariñao co home de partido, Chino aproveitou a súa primeira ocasión para abrir o marcador (0-1) pero a aparición de Adolfo no partido animou aos cataláns. Adolfo empatou (1-1) nun lanzamento de falta e Rafa López puxo ao seu equipo en vantaxe (2-1) remantando un balón solto na liña de gol, minuto once. O conxunto local buscou aproveitar o seu mellor momento pero os mariñanaos capearon o temporal e recuperaron o timón para empatar ao bordo do descanso cun disparo afastado de Chino. Co 2-2 chegouse ao descanso e na continuación a estratexia local tivo premio cun novo gol de Adolfo 3-2 que obrigaba ao Burela Pescados Rubén a unha nova reacción. A resposta tamén chegou a través da estratexia sendo Iago Rodríguez o executor do empate á saída dun córner. Con táboas no marcador, ambos equipos mantiveron a súa vocación ofensiva xerando un partido atractivo. No minuto 32 o Burela Pescados Rubén rompeu o partido con dous goles dun gran Chino que se mostrou letal como unha frecha certeira para situar o 3-5 e situar un escenario non esperado na grada local. Bellvert volveu golpear a nave catalá co 3-6 e os locais insistiron co xogo de cinco que aproveitaron Chino e Chano para aumentar a renda laranxa (3-8). No último suspiro o Catgas maquillou o marcador con dous goles de Corvo que situaron o 5-8 definitivo que selou un triunfo merecido do Burela Pescados Rubén.
Ficha técnica
Catgas E. Santa Coloma: Didac, Rubén, Rafa López, Sepe, Corvo –cinco inicial- Pablo, Fabián, Adolfo, Eric,
CD Burela FS Pescados Rubén: Alex, Iago Rodríguez, Chano, Bellvert, Renato –cinco inicial- Chino, Antoñito, Iago Míguez, Isi, Hélder.
Goles: 0-1, m7, Chino; 1-1, m.9, Adolfo; 2-1, m.11, Rafa López; 2-2, m.20, Chino; 3-2, m.23, Adolfo; 3-3, m.26, Iago Rodríguez; 3-4, m.32; Chino; 3-5, m.32, Chino; 3-6, m.34, Jorge Bellvert; 3-7, m.35, Chino; 3-8, m.37, Chano; 4-8, m.39, Corvo; 5-8, m.40, Corvo.
Árbitros: Díaz Rodríguez, García Hernández. Cartón amarelo a Iago Rodríguez, Antoñito, Chino, Bellvert de Burela Pescados Rubén. Cartón amarelo a Corvo de Catgas E. Santa Coloma.
Incidencias: Partido correspondente á sétima xornada da Primeira División da LNFS. Disputado no pavillón Nou de Santa Coloma.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
