A pesar de contar só cun concelleiro, este Grupo Municipal segue a rexistrar en cada pleno moitas iniciativas grazas ao gran entusiasmo e traballo dos membros da candidatura presentada nas últimas eleccións, integrada por membros de Esquerda Unida, ANOVA e Independentes que, coa colaboración de simpatizantes e veciñas e veciños de todo o municipio, demandan do Concello todo tipo de actuacións, cumprindo a promesa feita na campaña electoral de ser a voz de toda a veciñanza.
Xa no pasado pleno do mes de outubro, esta coalición presentou unha pregunta relacionada coas xestións que diante da Xunta de Galicia estaba levando a cabo a Alcaldía para a desafectación para uso municipal do inmoble do Centro Comarcal A Mariña Occidental, por non estar sendo utilizado na actualidade para os fins para os cales foi cedido.
Para o vindeiro pleno do mes de novembro, vén de presentar dous novos rogos, no primeiro dos cales solicita a creación dun parque infantil cuberto.
O concelleiro Víctor Marcial Miranda Gómez manifesta que, desde esa data, foron varios os veciños e veciñas que achegaron a SON VIVEIRO a súa preocupación pola necesidade que ten o municipio dun parque desas características, debido aos moitos días de choiva que imposibilitan contar cun espazo axeitado que facilite a convivencia das familias con descendencia na cidade. A idoneidade da citada construción, manifesta, é incuestionable, con abundante luz, dotada de amplos espazos e con ramplas, o que facilitaría a súa adaptación, por un custo alcanzable, para o fin suxerido.
Engade o concelleiro que a situación da edificación, á beira dun parque infantil exterior e dunha pequena pista polideportiva, a poucos metros da Escola de Educación Infantil San Roque, preto da gardaría, o feito de contar con numerosas prazas de aparcadoiro, que facilitarían a labor das e dos acompañantes dos nenos e nenas que tiveran que utilizar o automóbil para desprazárense, son motivos máis que suficientes para solicitarlle ao equipo de goberno que, antes de decidir cal vai ser a finalidade á que serán destinadas as citadas instalacións, teña en conta a proposta da súa Organización.
A segunda das propostas refírese á necesidade dunha Casa para Xubiladas, Xubilados e Pensionistas, un lugar de encontro onde as persoas deses colectivos poidan realizar actividades e ocupar o seu tempo libre.
Desde a coalición, consideran inaceptable o argumento de que xa existe un centro que cumpre esa función, posto que ese local está xestionado por unha entidade financeira que efectuou vendas das tristemente famosas participacións preferentes e subordinadas, que tanto sufrimento lle causaron a multitude de viveirenses. A citada entidade esixe ademais, para poder acceder ás súas instalacións, que o cobro da pensión se leve a cabo no seu propio banco. Aqueles e aquelas pensionistas que non cobran a súa pensión en dito banco, entre eles estafadas e estafados, néganse a ter ningún tipo de relación coa entidade e teñen tamén dereito a un local no que compartir o seu tempo de lecer durante os sete días da semana, e non só cinco, como está a ocorrer na actualidade.
Estas razóns levan a SON VIVEIRO a solicitar do goberno municipal a atención que esta necesidade require, entendendo que o edificio máis apropiado neste sentido é o que se atopa na rúa Vilar Ponte, na esquina coa rúa María de las Alas Pumariño, suxestión que agardan sexa tida en conta á hora de efectuar as reformas que se leven a cabo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
