Burela, 30 de outubro de 2015.- Burela contará con páxina web turística a principios de 2016, tal e como anunciou o concelleiro de Turismo, Ramiro Fernández, logo do encontro celebrado este xoves con representantes do sector. Na reunión, o edil aproveitou para recoller as propostas encamiñadas a mellorar a imaxe de Burela e marcou co sector unha folla de ruta para potenciar o porto, as praias e os recursos naturais do municipio.
O edil socialista cualificou a reunión como moi positiva: “todos os actores implicados no tema turístico aportaron as súas ideas para que o Concello as poida seguir e levalas adiante. Foi moi satisfactoria e estamos moi contentos coa reunión”.
Fernández tamén anunciou que “se lle vai dar carta branca á páxina web de turismo do Concello, co que estableceremos contacto coa empresa e nos próximos días se irá xa poñendo a traballar sobre o tema. Agardamos que de cara a primeiros de ano xa teremos a nosa páxina de turismo funcionando. Entendemos que é unha cousa moi positiva e que vai ser un soporte moi importante de cara a mellorar o turismo en Burela”. Na xuntanza de onte á noite tamén se abordaron outras cuestións: “falamos das cousas a mellorar, é verdade que detectamos que a imaxe do pobo ten que seguir mellorando moito, estamos traballando duramente neses aspectos. Hai que recoñecer que temos que seguir poñendo máis énfase nese asunto. Dende o Concello é unha das prioridades que imos ter, a de mellorar a imaxe do pobo para que visitantes e veciños teñan unha boa imaxe del”.
O Concello manifesta a súa intención de seguir traballando conxuntamente cos profesionais do sector e impulsar o porto, as praias e os recursos naturais: “cando teñamos algunha novidade volveremos convocalos para seguir falando e traballando conxuntamente no plan turístico de Burela. Non podería ser doutro xeito, non podemos andar por libre no tema turístico. Temos que contar co sector porque eles ao final son os máis afectados e os que máis teñen que aportar de cara a ideas e proxectos ao Concello. O Concello ten a súa propia liña de ruta marcada, que explicamos onte, e todo o mundo está de acordo en seguir traballando e potenciando o tema do porto, as praias e todos os recursos naturais que temos. Nesa liña imos seguir traballando, dentro das posibilidades que temos no Concello, que son as que son, tampouco nos podemos enganar. O Concello non pode asumir en solitario todos os proxectos que temos pensado poñer en marcha e seguiremos a traballar có sector e coas administracións para conseguir esa axuda necesaria para colocar a Burela no sitio que lle corresponde”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
