NOTA DE PRENSA
Os populares lamentan a instrumentalización política que PSOE e BNG pretenden facer da Plataforma Sanitaria e reclaman a socialistas e nacionalistas que depoñan a súa estratexia de mentiras e confusión
O PP SUBLIÑA QUE MENOS DO 10% DOS COLECTIVOS DA MARIÑA INTEGRAN A PLATAFORMA SANITARIA IMPULSADA POLAS FORZAS DO BIPARTITO
* CONFIANZA: A inmensa maioría dos veciños e asociacións da Mariña confían nas palabras do titular do Presidente da Xunta, Alberto Núñez Feijóo, que confirmou o mantemento da área sanitaria comarcal, así como o reforzo do cadro de persoal do Hospital da Costa, da súa capacidade tecnolóxica e a ampliación do número de especialidades médicas que alí se prestan.
* USO INDEBIDO DE MATERIAL INSTITUCIONAL: O PP non descarta preguntar no Parlamento polo uso indebido de material do SERGAS e o máis que probable emprego de cartos públicos sen autorización para a convocatoria da xuntanza de constitución da plataforma sanitaria.
A Mariña, 9 de outubro de 2009.- Os populares da Mariña lamentan a instrumentalización política que PSOE e BNG pretenden facer da recentemente constituída Plataforma pola Defensa da Área Norte Sanitaria e reclaman ás forzas do malogrado bipartito que depoñan a súa estratexia de confusión e engano aos veciños nun asunto tan serio como é a sanidade . Desde o PP están convencidos de que esta plataforma nace “sen ningún sentido e obxectivo” xa que, como é público e notorio, tanto o Presidente da Xunta de Galicia como a propia conselleira de Sanidade confirmaron que non só se manterá a área sanitaria da Mariña senón que ademais se reforzará o cadro de persoal, capacidade tecnolóxica e dotará de novas consultas de especialistas ao Hospital da Costa.
No Partido Popular salientan que menos do 10% dos colectivos e asociacións da nosa comarca integran a plataforma sanitaria impulsada por PSOE e BNG o que vén a demostrar a confianza que para estes colectivos e para os propios veciños da Mariña teñen as palabras e compromisos expresados por Alberto Núñez Feijóo, titular do Executivo galego. Tan só 30 das preto de 300 asociacións da Mariña lucense sumaron o seu apoio a unha plataforma que nace para reivindicar algo que non se está a poñer en cuestión desde a Xunta de Galicia. “Estamos a falar dunha representación moi baixa dentro do tecido asociativo comarcal, un porcentaxe similar ao acadado polo BNG nas pasadas eleccións e que converten a esta forza política nun formación minoritaria e residual”.
En todo caso, desde o PP anuncian que redobraran o seu esforzo para explicar a estes 30 colectivos integrados na Plataforma Sanitaria a aposta dos novos responsables autonómicos pola mellora do sistema público de saúde na Mariña despois do deterioro sufrido na pasada lexislatura, como consecuencia da falta de xestión do bipartito. E lembran que a propia Conselleira comparecerá no Parlamento o próximo mércores, en resposta a unha interpelación do Grupo Popular, para reafirmar o seu compromiso co mantemento da área sanitaria da Mariña.
POSIBLE USO INDEBIDO DE MATERIAL E CARTOS PÚBLICOS
Finalmente desde o Partido Popular non descartan preguntar na Cámara galega polos graves sucesos acontecidos no Hospital da Costa despois de que se detectara o envío de cartas co membrete oficial do SERGAS e con acuse de recibo a un gran número de asociacións da Mariña convocándoas ao acto de constitución desta plataforma sanitaria.
O Hospital da Costa xa anunciou a apertura dunha investigación interna sobre estes feitos, para esclarecer as posibles responsabilidades daqueles que, sen autorización, puideron facer un uso indebido de material e cartos públicos. “O que o BNG pretende presentar como unha afrenta aos traballadores do Hospital, non é máis que unha probable utilización de recursos públicos con intereses partidistas, para facer política e oposición ao PP”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
