O PP burelés acusa ó alcalde de “escurrirse das súas responsabilidades”

Burela, a 12 de novembro de 2015.- O Grupo Municipal Popular no concello de Burela, a través dos concelleiros José Casas e Mar Fraga, estivo presente este xoves na visita organizada pola empresa concesionaria do servicio de limpeza portuaria, á que asistiu o Presidente de Portos de Galicia, José Juan Durán.

O GMP está seguro de que “a limpeza portuaria vai mellorar sensiblemente, ou alomenos eso agardamos. Tamén aproveitamos para comentar co Presidente de Portos cuestións vinculadas co propio espacio portuario, como reposición de pantaláns, etc”.

Os dous edís populares quedaron “sorprendidos de que non asistise o alcalde a este acto, xa que resulta que é a primeira vez que o Prsidente de Portos de Galicia vén a Burela despóis das eleccións municipáis. Máis sorprendente é ainda a ausencia do alcalde, cando hai uns días que salía nos medios informativos decindo que tiña que falar con Portos por unha serie de asuntos. E resulta que cando tén oportunidade de falar, non aparece, e polo tanto perde unha oportunidade que outros non perderían”.

Para o GMP, “isto é mostra da cobardía política do alcalde, que escorre as súas responsabilidades. Non queremos ser mal pensados, pero moito nos tememos que este home, o alcalde, ainda non tén solicitada a entrevista co presidente de Portos de Galicia, en contra do que dixo na prensa, o que demostrarái ben ás claras a forma de ser deste alcalde que fala moito na prensa, e logo cando hai oportunidade de falar, desaparece”.

Por iso, afirman desde o GMP, que “tampouco nos sorprendeu que a concelleira do Mar non abrira a boca, o que é unha proba do absoluto descoñecemento dos asuntos importantes para o porto e da ausencia de interese para coñecelos; e non deben esquecer que o porto é o motor económico do noso concello e que desde o minuto un do actual goberno local debería centrar a súa preocupación. Hoxe puidemos comprobar que esa preocupación é sólo unha realidade virtual que se emprega nos medios informativos e logo desaparece”.

Finalmente, desde o GMP advirten que “os veciños de Burela deben saber que este tipo de comportamentos do alcalde serán habituais durante este mandato municipal, o que vai ser negativo para o Concello”.