19 de novembro de 2015.- A terceira edición da Liga Prebenxamín da Mariña de Fútbol Sala, organizada pola Fundación Imdecum, estrearase esta fin de semana, coa participación de 10 clubs da bisbarra. A competición, rexida pola Federación Galega de Fútbol Sala en Lugo, disporá de novo de dúas categorías, Prebenxamín 1 (nacidos/as en 2008) e Prebenxamín 2 (2009-10).
A Liga de Prebenxamín 1 estará composta por ACD Xove, AD Praia de Covas, AD Santiago de Foz, ED Burela FS, CFS Cidade de Viveiro, Escolas Celeiro Xove FS, ED Barreiros, EDM Cervo, Castrelo FS e Maderas Barcia Lourenzá FS.
Prebenxamín 2 contará coa representación de ACD Xove, AD Praia de Covas, AD Santiago de Foz, ED Burela FS e Maderas Barcia Lourenzá.
Ambas as ligas disporán de 18 xornadas, con dobre volta para Prebenxamín 2, e disputaranse ata mediados de maio.
Primeira xornada-Prebenxamín 1 (horarios adxuntos)
ED BURELA FS– AD PRAIA DE COVAS
AD SANTIAGO DE FOZ – ACD XOVE
MADERAS BARCIA – CFS CIDADE DE VIVEIRO
ESCUELAS CELEIRO XOVE FS – EDM CERVO
ED BARREIROS – CASTRELO FS
Primeira xornada-Prebenxamín 2 (horarios adxuntos)
ED BURELA FS-AD PRAIA DE COVAS
AD SANTIAGO DE FOZ – ACD XOVE
Descansa: MADERAS BARCIA
2014-15
Imdecum apostou en 2013-14 pola organización ligueira de fútbol sala nas categorías máis novas para cubrir un baleiro que ata daquela existía na bisbarra. Na segunda tempada, a de 2014-15, a liga repetiu no panorama deportivo mariñán. Prebenxamín 1 estivo composta por AD Santiago de Foz, ACD Xove, AD Praia de Covas, ED Burela FS, ED Barreiros e Ribadeo FS, co título de campións para os focegos. Prebenxamín 2 contou coa representación de AD Santiago de Foz, ACD Xove, AD Praia de Covas, ED Burela FS, Escolas Celeiro SD Xove, Maderas Barcia Lourenzá e CFS Cidade de Viveiro, coa primeira praza para os laurentinos.
A Copa Prebenxamín da Mariña 2015, disputada en xuño de 2015, marchou para Foz e Xove. A AD Santiago de Foz, en Prebenxamín 1, e o ACD Xove, en Prebenxamín 2, proclamáronse campións da fase final.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
