A asociación Villas Marineras, á que pertence o Concello de Viveiro, convocou un concurso de ideas para escoller o galardón do premio “Villas Marineras”, que se concederá anualmente a aquela persoa ou institución que se considere merecedor do mesmo pola súa defensa, exaltación ou difusión dos valores, gastronomía ou atractivos de cada unha das localidades pertencentes á mesma.
Esta asociación considera que o oportuno é que este galardón sexa realizado por artistas dos concellos membros da mesma e, por iso, este anuncio vai dirixido a todos os artistas e creativos de Laredo, Santoña, San Vicente da Barqueira, Llanes, Ribadesella, Viveiro, Ortigueira, Sanxenxo e Baiona, que estean interesados en presentar un proxecto para devandito galardón en calquera tipo de expresión artística (xa sexa escultura, pintura, gravado…) pero que represente os elementos comúns que unen a todas as vilas da asociación.
O proxecto deberá incluír o logo da Asociación e vir acompañado dunha memoria que recolla medidas e materiais do deseño.
O artista premiado cederá os dereitos de uso da obra á mesma.
O autor do proxecto gañador recibirá 1.000 euros.
A data límite para presentar as propostas será ata o 1 de decembro de 2015 ás 14.00 horas, na sé da Xerencia da Asociación, sita en Oficina de Turismo de Ribadesella, Paseo princesa Letizia, s/n, 33560 Ribadesella, Asturias, en horario de martes a sábado de 10.00 a 14.00 e de 16.00 a 18.30 horas e domingos de 11.00 a 14.00 horas.
Posteriormente, será a Xunta Directiva de Vilas Marineras a que elixa a proposta máis interesante. A organización resérvase o dereito de declarar deserto o concurso.
Os artistas interesados poden contactar coa Asociación Vilas Marineras por teléfono, no 985 86 00 38 ou por correo electrónico gerencia@villasmarineras.es.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
