Lugo, 20 de novembro de 2015.- O Grupo Provincial Socialista da Deputación de Lugo quixo agradecer publicamente aos Alcaldes da provincia o “seu incondicional e máis firme apoio”, que 27 dos 24 Rexedores do PSOE que en total hai na provincia quixeron brindar por iniciativa propia aos 10 Deputados socialistas a través dun manifesto. Fixérono “para deixar claro que non hai ningún tipo de división no PSOE de Lugo e zanxar xa este debate. A ninguén lle gusta a situación na que se atopa Martínez, pero hai uns feitos gravísimos que son incuestionables, e ante os cales o partido, cos seus Estatutos, ten que actuar. As normas son para todos, tanto para os militantes recen chegados, como para os que levan 20, 30, 40 ou 50 anos. Non hai excepcións”. Así o destacou Darío Campos Conde.
O manifesto é de 24 Alcaldes do PSOE, todos agás Castroverde, Navia de Suarna e O Incio, cuxa Alcaldesa quixo aclarar que non o facía “por non entrar en conflito algún, non porque non lle dea o seu apoio ao grupo”. Campos Conde quixo remarcar que “non hai, nin haberá, ningún problema cos Alcaldes que non o asinaron. Enténdoos. Esta non é unha situación agradable para ninguén do partido”, remarcou Campos Conde.
Cómpre destacar que actualmente son 27 os Alcaldes do PSOE na provincia, pois o de Becerreá xa non o é ao estar expulsado provisionalmente do partido, tal e como o resolveu esta semana a Comisión Executiva Federal.
Manifesto dos Alcaldes
Os Alcaldes socialistas da provincia de Lugo manifestaron aos 10 Deputados do Grupo Provincial Socialista o seguinte: “1.- O noso incondicional apoio ó Presidente da Deputación, ó socialista e compañeiro Darío Campos Conde. 2.- O noso incondicional apoio ó Grupo Provincial Socialista na Deputación de Lugo, ós seus 10 Deputados socialistas e compañeiros que o integran. 3.- O noso incondicional e máis firme apoio a todas as decisións do Presidente e dos nosos compañeiros no Grupo Provincial Socialista dende o pasado 24 de xuño e durante todo o mandato actual na Deputación (2015-2019) para garantir a continuidade do goberno de progreso no organismo provincial que ratificaron os nosos veciños nas pasadas eleccións municipais. Os lucenses déronnos un apoio sen precedentes o 24 de maio, facendo que o PSOE acadase os mellores resultados da súa historia na provincia. A nosa responsabilidade e prioridade é centrar os nosos esforzos para seguir traballando conxuntamente dende todas as administracións e dar resposta ás necesidades dos nosos veciños, e contribuír á continuidade do proxecto socialista na provincia, en Galicia e no conxunto do Estado”, remata o manifesto.
Acordos das dúas reunións cos Alcaldes
O líder do Grupo Provincial Socialista explicou que houbo dúas reunións cos Alcaldes durante as negociacións con Martínez para recuperar a Deputación. Na primeira, acordaron conceder a Martínez un prazo, o que el estimase, pero que non se alongase no tempo, para que el mesmo negociase co BNG a súa candidatura á presidencia. Pola súa banda, Martínez comprometeuse a que, se pasado este prazo non conseguía o apoio necesario do BNG, el mesmo apoiaría, incondicionalmente, a Darío Campos Conde como candidato á presidencia.
Na segunda reunión, Martínez, que non conseguira o apoio do BNG, non só non cumpriu coa palabra dada a todos os seus compañeiros, é dicir, apoiar a Darío Campos Conde sen condicións, senón que presentou un documento con duras esixencias. Reclamaba a Vicepresidencia, Vías e Obras, Parque Móbil, ser o responsable último de todas as áreas da Deputación dirixidas polos socialistas e ata ter delegadas na súa persoa ás competencias da Presidencia ou pasar a ser o Presidente de haber unha desimputación.
“Non se lle prometeu estar na Xunta de Goberno”
Finalmente, xunto cos Alcaldes, conseguiuse chegar a un acordo e propoñer a Martínez que fose o responsable de Vías e Obras e Parque Móbil, e que tivese unha dedicación exclusiva. “Non lle prometemos estar na Xunta de Goberno. E el mesmo nos dixo que isto non tiña importancia, aínda que quería estar. Dixémoslle que íamos a pelexar para que estivese, pois era necesario que o refrendase o BNG que xa non confiaba na súa persoa. E así o fixemos”, aclarou Campos.
Cumprindo coa palabra dada, creouse unha delegación específica dentro da área de Xestión Territorial, que estaría dirixida por Argelio Fernández, para que Martínez se responsabilizase de Vías e Obras e Parque Móbil, ademais de ter unha dedicación exclusiva. Con todo, non o aceptou. “Non se puido ser máis xeneroso con el. Ningún outro Deputado, que temos as mesmas obrigas e dereitos que Martínez, fixemos esixencia algunha. O 99% dos militantes do PSOE nunca chegaría aos extremos aos que chegou Martínez”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
