Lugo, 20 de novembro de 2015.- O voceiro provincial socialista, Álvaro Santos Ramos, avanzou este venres que a Xunta de Goberno acordou abrir a vindeira semana, unha vez que a convocatoria se publique no BOP, un novo prazo de solicitude do plan “O teu talento ten premio en Lugo” para financiar a matrícula integra no Campus de Lugo a outros 111 estudantes cos mellores expedientes de BAC, FP e grao, que se engaden aos 24 que polo de agora resultaron beneficiados, tal e como acordou hoxe a Xunta de Goberno.
Santos Ramos explicou que “unha das denuncias que fixemos durante a etapa de Candia foi a paralización de todos os proxectos que deixamos en marcha. E non mentiamos. Hoxe temos un novo exemplo. En maio, este Goberno Provincial aprobaba na Xunta de Goberno o plan “O teu talento ten premio en Lugo”. Trátase dunha das medidas do Plan de Choque coa USC mediante o cal a Deputación financia con 108.000 euros a matrícula íntegra dos 135 mellores expedientes de BAC, FP e grao do Campus de Lugo”.
“Pois ben. Candia mantivo totalmente paralizado este proxecto. Nin tan sequera lle fixo ningún tipo de promoción ou difusión. Polo tanto, hoxe aprobamos a súa resolución, sendo 14 os estudantes de Bacharelato e Formación Profesional os que resultaron beneficiados, cunha nota media é de entre 9,6 e 8,8 a máis baixa, e 10 os de grao, cunha nota media 9,2 e 7,5”.
“Tendo en conta que hai orzamento para un total de 135 becas, é dicir, para outras 111 bolsas, acordamos abrir a vindeira semana, unha vez que a convocatoria se publique no BOP, un novo prazo de solicitude. Será de 5 días hábiles, pois este orzamento ten que estar executado antes de rematar o ano. Ademais, aquelas persoas que fixeron a súa inscrición pero non entregaron toda a documentación ou o fixeron fóra de prazo, teñen tamén agora unha nova oportunidade para facelo”.
“O teu talento ten premio en Lugo” inclúe dúas medidas: 1.- premios para os mellores expedientes de BAC e FP que queiran cursar a súa titulación de Grao no Campus de Lugo, sufragando o custe íntegro da súa matricula. A vindeira semana ofreceranse unhas 70 becas. 2.- premios para os mellores expedientes que se gradúen no Campus de Lugo, sufragando a matrícula íntegra dunha titulación de Máster na USC en Lugo. A vindeira semana ofreceranse unhas 35 becas.
Sinalización das Reservas da Biosfera
Xunta de Goberno aprobou unha prorroga do convenio que da Deputación co organismo Parques Nacionais para poder executar as obras de dotación de sinais na Reserva da Biosfera dos Ancares, “outro dos proxectos que tamén mantivo paralizado Candia”. Precisamente, a sesión aprobou o último trámite legal para poder iniciar de xeito inmediato estas actuacións. Trátase do Plan de Seguridade e Saúde no Traballo. O proxecto contempla a instalación de sinais en Cervantes, Navia de Suarna e Becerreá, concellos que integran esta Reserva, para indicar todas as localizacións etnográficas e paisaxísticas existentes nestes municipios.
Certame Otero Pedrayo
O voceiro provincial do BNG, Xosé Ferreiro, informou que o seu grupo levará ao vindeiro Pleno a convocatoria dos premios Otero Pedrayo. Trátase do certame co que se recoñece a labor de persoas, entidades ou corporacións que destacan na defensa da cultura galega. Está organizado por todas as Deputacións Galegas e a Xunta de Galicia máis, nesta ocasión, a de Lugo será a anfitrioa. O gañador dos Premios Otero Pedrayo recibirá un total de 16.000 euros. O xurado estará formado polos Presidentes das Deputacións e Conselleiro de Cultura, ou nas persoas nas que deleguen; un representante de cada unha das universidades galegas; un da academia galega; un do instituto Padre Sarmiento de Estudos Galegos; e tamén 5 persoas de contrastado prestixio cultural, que serán designados polas 4 Deputacións Galegas e Xunta. A de Lugo proporá a escritora Marica Campo.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
