Lugo, 05 de decembro de 2015.- O portavoz do GPP no Senado e Presidente do PP de Lugo, José Manuel Barreiro, asegurou este sábado que o PP “é o único que ten un proxecto crible e realizable, o resto dos partidos só ofrecen incerteza”. Barreiro fixo estas declaracións nun almorzo con representantes do sector pesqueiro da Mariña.
O portavoz popular no Senado insistiu en que só Mariano Rajoy ten “un proxecto de país e un programa de Goberno e fronte a el están o PSOE e os experimentos”. “O único proxecto de Pedro Sánchez é chegar como sexa ao goberno e despois buscar un programa con calquera que lle apoie, aínda que isto implique derrogar o seu propio”, subliñou o líder dos populares en Lugo en referencia ás declaracións de Sánchez asegurando que non lle importaría pactar con Podemos e Ciudadanos.
José Manuel Bareiro dixo que un voto a Ciudadanos é un voto ao PSOE porque Albert Ribeira “xa deixou claro que a súa opción preferida de goberno é unha coalición cos socialistas e Podemos. “Rivera quere que o voto de centro dereita para mandar na sombra dun Goberno socialista”, matizó.
Barreiro asegurou que Mariano Rajoy é o único que representa “a estabilidade, a seguridade e a experiencia”. “O resto de candidatos nunca xestionaron nada -continuou- e non é bo chegar á Presidencia para facer experimentos”. Por iso, insistiu “é necesario concentrar o voto no PP para evitar pactos de perdedores que o único que farían sería trasladar a España ao modelo do caos que hoxe en día temos no Concello e a Deputación de Lugo”.
José Manuel Barreiro asegurou que “seguiremos traballando para conseguir o noso obxectivo do 20-20, é dicir, 20 millóns de persoas traballando en 2020″. Sinalou que nestes catro de anos de mandato de Rajoy pasouse da destrución de 1.400 empregos ao día á creación de 1.500 diarios”. “Este é o noso mellor aval, o dos compromisos cumpridos”, subliñou.
O número uno ao Senado por Lugo afirmou que “votar a Mariano Rajoy é un voto seguro: seguridade nas pensións, no emprego e no crecemento, na unidade de España e nun futuro de éxito para o noso país”.
Para finalizar, José Manuel Barreiro destacou que o sector pesqueiro español volve vivir un período de estabilidade grazas ao aumento das cotas e aos novos acordos de pesca asinados polo Goberno. Neste sentido destacou que “o modelo de xestión implantado de respecto ás cotas asignadas permitiu desterrar que somos un país incumpridor”.
APROBACIÓN DE LEIS EN BENFICIO DO SECTOR
Neste contexto, o número uno ao Congreso por Lugo, Joaquín García Díez, destacou a importancia da aprobación durante esta lexislatura da reforma da lei de Pesca Marítima do Estado, que permitiu “mellorar a situación socioeconómica do sector e, en particular, a situación da muller”.
García Díez tamén fixo fincapé na aprobación, case por unanimidade, da Lei reguladora da protección social, que amplía os beneficios dos traballadores do mar. Así mesmo, destacou a aprobación da Reforma do Código Penal que incorpora como delito aos infractores reincidentes por maniqueo.
O cabeza de lista ao Congreso por Lugo puxo de manifesto a importancia de recuperar o prestixio tanto a nivel comunitario como internacional de respectar as cotas de pesca e liderar a loita contra a pesca ilegal. “Aínda estamos pagando as multas por sobrepesca que se nos impuxeron durante o mandato socialista e que traduciron en severas restricciones de cota no noso país”, matizou.
Joaquín García Díez tamén explicou que, nesta lexislatura o Goberno traballou para obter máis cotas de pesca, pasando de 253.565 toneladas en 2012 a 288.327 en 2015, o que representa un incremento de case un 14%. “Era necesario reorganizar o sector pesqueiro e niso traballamos; agora seguiremos esforzándonos por mellorar día a día as condicións dos seus traballadores”, subliñou.
Finalmente, García Díez asegurou que o Goberno continúa esforzándose para recuperar o consumo de peixe que caeu coa crise. “A magnífica negociación levada a cabo polo Executivo permitiu que España dispoña de 1.161 M euros ata o 2020 do FEMP, 30 máis que no período 2007-2013, que se destinarán, noutras accións, a fomentar o consumo”, concluíu.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
