Burela, 12 de decembro de 2015.- O Burela Pescados Rubén rompe a imbatibilidade colchoneira e mantén o pulso polo título ligueiro tras un triunfo logrado con corazón e cabeza. Gaby marcou o tanto da vitoria a falta de 29 segundos para o final tras unha gran xogada de Maite que tamén asistiu a Lara no primeiro tanto.
A vitoria do Burela Pescados Rubén por 2-1 ante o Atlético Féminas Futsi comprime a clasificación na zona nobre, as colchoneiras chegaron a Vista Alegre con opcións de case sentenciar a Liga distanciando ao Burela a oito puntos e vaise con dous puntos de vantaxe e coa moral tocada.
O encontro comezou cun Atlético dominador ante un Burela que lle esperou na súa propia pista en busca dun contragolpe certeiro. Malia o seu control no xogo as madrileñas non xeraban ocasións claras de gol e únicamente un disparo de Marta Pelegrín tivo certo perigo. No minuto 10, Maite perseguiu un balón ata a liña de fondo logrando meter un pase no corazón do área colchoneira onde apareceu o oportunismo de Lara para situar o 1-0. Pouco despois Maite tivo nos seus pés o segundo tras un gran contragolpe pero o seu remate non atopou portería. A posesión era das visitantes pero o perigo levaba cor laranxa. A un minuto para o descanso chegou o empate do Atlético, Leti cun disparo raso sorprendeu a Jozi e ao descanso chegouse con empate no marcador.
Na continuación o Burela Pescados Rubén saíu a por todas, apoiado pola súa afección, e xerou ata catro oportunidades claras para adiantarse. Maite non atopou portería, Peque disparou ao pau e Gaby tivo un par de ocasións nas que únicamente lle faltou precisión. A avalancha laranxa tomouse un respiro e ao Atlético comezou a respirar pero sen demasiada ambición ofensiva, demasiada especulación no xogo visitante na tarde deste sábado. Á recta final chegouse co 1-1 e con ambos equipos con cinco faltas. Gaby gozou dunha oportunidade desde o doblepenalti pero o seu disparo non colleu portería. O ida e volta neste tramo final era constante e Amelia puido conseguir o 1-2 pero errou a súa oportunidade. No minuto final emerxeu de novo a raza de Maite para perseguir un balón e asistir a Gaby que rematou case sobre a liña de gol. O 2-1 enardeceu a Vista Alegre que co seu alento empuxou ao seu equipo para defender o xogo de cinco visitante. O seu intento desesperado non obtivo premio e a vitoria quedouse no feudo burelés.
Ficha técnica
CD Burela FS Pescados Rubén: Jozi, Peque, Bea Mateos, Gaby, Maite -cinco inicial- Ceci, Lara.
Atlético Futsi Navalcarnero: Estela, Ari, Leti, Amelia, Desi -cinco inicial- Marta Pelegrín, Peke, María Sanz.
Goles: 1-0, m.10, Lara; 1-1, m.19, Leti; 2-1, m.40, Gaby.
Árbitros: Crestelo Blanco, Novoa García. Colexio Galego. Cartón amarelo a Gaby do Burela Pescados Rubén.
Incidencias: Partido correspondente á undécima xornada de Primeira División RFEF, disputado en Vista Alegre. Ao redor de 600 espectadores. Gardouse un minuto de silencio en memoria dos policías falecidos no atentado terrorista de Kabul; Isidro Gabino Sanmartín Hernández e Jorge García Tudela.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
