BARREIROS (FNC) .- Barreiros ofrece 14 pisos de amparo municipal para cubrir a demanda de vivendas sociais que ten o concello. O alcalde, Alfonso Fuente, asinou este mediodía un convenio con Copronor que permitirá a aqueles veciños que estean censados en Barreiros adquirir pisos por prezos que irán dos 50.000 ós 80.000 euros.
O rexedor sinalou que “hoxe aquí en Barreiros acabamos de asinar un convenio novedoso na Mariña para poñer a disposición dos veciños vivendas de amparo municipal. O obxecto do convenio é establecer un marco de colaboración entre o Concello e esta promotora inmobiliaria para favorecer que os veciños teñan unhas condicións máis ventaxosas na compra da vivenda”.
Fuente Parga explicou que “esta promotora está a construir a día de hoxe 80 vivendas aquí en Barreiros moi preto das anteriores de protección oficial. Chegamos a un acordo con eles para que rebaixaran os seus prezos e puidesen mercar unha vivenda todos aqueles veciños que estiveran censados no noso concello e interesados na súa compra”.
O alcalde barreirense suliñou que “van ser 14 os pisos máis as prazas de garaxe ós que se poñan á venda ó amparo deste convenio que suporá unha merma no seu prezo duns 12.000 euros. A nós parécenos moi interesante que unha persoa poida optar a estas vivendas con esta reducción. Os prezos dos pisos oscilarán entre os 50.000 e 80.000 euros e cremos que son cifras ás que se pode chegar. A superficie sitúase entre os 33 e os 55 metros cadrados”.
Alfonso Fuente engadiu que “se trata dunha iniciativa para cubrir esa necesidade que quedou despois de adxudicar as 21 vivendas de protección oficial. Decir tamén que son vivendas libres, polo tanto o que a adquira pode vendela cando estime conveniente. Son vivendas que están a piques de rematar, non vai haber que esperar como pasou coas outras que se solicitaron no 2005 e houbo que agardar ata o 2008 a que fosen entregadas. Éstas serán entregadas de inmediato. Toda a xestión da compra, formalización de préstamos e demáis corre a cargo da promotora”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
