Olalla Rodil explicou nun encontro con delegados sindicais en Alcoa a necesidade de que Galiza teña competencias na xestión da enerxía electrica para abaratar custes enerxéticos a empresas e fogares

A Mariña, 17 de decembro de 2015.- Olalla Rodil reuniuse con delegados sindicais na sala do comité de Empresa de Alcoa aos que trasladou a propostas que defende Nós –Candidatura Galega en relación ao abastecemento enerxético para abaratar custes de produción ás empresas e famlias

A candidata da coalición nacionalista insistiu na idea de aproveitar o enorme potencial de Galiza como produtora de enerxía eléctrica, “non podemos deixar escapar de Galiza os recursos sen que teñan beneficio directo sobre a poboación e as empresas”, afirmou Rodil. Así mesmo informou do programa social de Nós -Candidatura no que se inclúe a derrogación das dúas reformas laborais aprobadas consecutivamente polo PSOE e despois polo PP.

A candidata ao congreso sinalou que “somos un país que exporta enerxía pero os beneficios vanse a outras partes do estado e as empresas tributan en Madrid” e engadiu que “o feito de que o noso territorio sexa un dos que máis enerxía produce debería ter un retorno para a poboación, esto é posible e en Muras comprobamos como se poden implementar medidas para que sexa así”. A proposta de Nós – Candidatura Galega acabaría cos sobresaltos existentes na Mariña cada ano co modelo de subasta aprobado polo Partido Popular para as grandes consumidoras como Alcoa, mais tamén para outras empresas e sectores produtivos importantes nesta comarca como o sector pesqueiro, o agro – gandeiro ou o forestal.

Entre outras propostas que Nós – Candidatura Galega trasladará ao congreso Derrogar as últimas reformas laborais, Mudar o réxime das relacións laborais, retomando unha regulación máis equitativa, para asegurar que a contratación indefinida sexa a regra xeral. Restaurar os dereitos adquiridos ante o despedimento improcedente e nulo, impulsando as reformas precisas para que o Estatuto dos Traballadores restabeleza con carácter xeral a indemnización de 45 días por ano de servizo. Transferir todas as políticas de fomento do emprego e formación continua á Galiza. Traspasar as competencias lexislativas plenas en materia laboral e de negociación colectiva, para poder decidir sobre os aspectos económicos e laborais que nos afectan e ter un verdadeiro marco galego de relacións laborais, o que contribuirá a mellorar as condicións de traballo e de traballadores e traballadoras. Deseñar políticas de fomento do emprego xuvenil estábel nunhas condicións laborais dignas.

Aplicar un salario máximo que non poderá ser superior en 10 veces o salario medio do Estado español ou mellorar a prestación por desemprego, incremento da prestación asistencial e ampliación a aqueles colectivos máis desprotexidos. Converter o “subsidio por esgotamento da prestación contributiva con responsabilidades familiares” ou axuda familiar para desempregados, nunha Renda de Garantía por Desemprego de carácter universal para todas as persoas en procura activa de emprego e que rematasen a súa prestación contributiva. Incrementar o Salario Mínimo Interprofesional para que garanta unhas condición de vida dignas.

Olalla Rodil estivo acompañada da mariñá candidata ao congreso Montse Porteiro e unha delegación da executiva comarcal do BNG mariñao coa responsábel comarcal Ana Ermida e o vicerresposábel Xoán Antón Estúa. Asistiron á reunión delegados sindicais de empresas auxiliares de ALCOA e da propia multinacional agora presidida por Xosé Paleo da CIG, tamén candidato por Nós – Candidatura Galega a quen parabenizaron pola recente presidencia do comité nas eleccións sindicais celebradas fai unhas semanas.
Posteriormente Olalla Rodil participou no acto público celebrado no salón de actos do Conservatorio de Viveiro ás oito e media da tarde.