O GMP critica “a tardanza en acender o alumeado de Nadal”

Burela, a 23 de decembro de 2015.- O Grupo Municipal Popular (GMP) asegurou este mércores “ter recibido queixas de veciños e comerciantes pola tardanza na colocación do alumeado de Nadal, posto en funcionamento onte, cando o ano pasado se encendeu o día 10”.

Para o GMP, “este retraso perxudica ó comercio porque non anima o consumo. E agora non hai disculpas de que non hai cartos. É certo que en 2011 houbo que prescindir do alumeado de Nadal, porque daquela sí que non había cartos, e que en 2012 e 2013 non foi todo o amplo que se quixera, pero o ano pasado fíxose un esforzo ampliando o número de arcos e adiantando o encendido, a petición de ACIA”.

“Por eso, e por máis cousas, estamos fartos de que o o alcalde e o seu goberno da parálisis, cando non poden ou non queren facer algo, se disculpen alegando de que o PP non deixou cartos, ou de que non deixamos pagado. O goberno da parálisis, que é o que é este goberno, estase convertindo no clube dos mentirosos compulsivos, porque cartos sí que teñen, véxase os cáseque setecentos mil euros que lles quedaron en caixa no cambio de goberno, o remanente de tesorería de máis de un millón douscentos mil euros, e que por riba toda a contribución urbana do presente ano, cáseque dous millóns de euros, pagouse xa co seu mandato”, asegura o GMP.

Ademais, o PP afirma que “o alcalde anda decindo que o PP deixou facturas sen pagar á empresa do alumeado de Nadal. Outra mentira do alcalde: o alumeado do Nadal 2014/2015 pagouse mes e medio despóis, e por abundar no asunto o alumeado das festas patronáis deste ano pagouse mesmo antes das festas. Se o PSOE é capaz de demostrar o contrario, que o faiga xa, porque se non quedarán por mentirosos. En cambio, cando nós chegamos ó goberno en 2011 tivemos que pagar o alumiado do Nadal 10/11 e o alumiado das festas dese mesmo ano”.

Volvendo ó alumeado de Nadal, o GMP afirma que “a empresa que montou este ano o alumeado de Nadal non é a mesma que o viña facendo nestes anos anteriores. Sería bon que o alcalde explicase o motivo da decisión de cambiar de empresa, porque foi cousa súa. A nós cónstanos que a empresa anterior contactou co alcalde, pero este non devolveu o contacto. Agardemos que a empresa instaladora teña pedido os correspondentes permisos de enganche a BEGASA e que non haxa ningunha sorpresa”.

Aseguran que “ademáis, o alumeado de Nadal e a data de encendido sempre foi consensuado con ACIA. Lóxicamente, non sabemos se este ano foi así ou non. En todo caso, é algo que terá que ver ACIA cos seus asociados e discutir co alcalde”.