Socialistas e nacionalistas tiñan moita ansia por chegar ao poder na Deputación de Lugo pero, unha vez que o conseguiron, non deixan de dar mostras preocupantes da súa incapacidade de goberno: a última, finalizan o presente ano sen remitir os seus orzamentos ao Pleno. Incumpren, deste xeito, os prazos establecidos por lei. Sendo isto, dende logo, unha obriga, non unha opción. Demóstrase unha evidente falta de proxecto dos socialistas e nacionalistas para a provincia.
Parece obvio lembrar a importancia que ten planificar os ingresos e gastos para unha institución como a Deputación, que manexa preto de 90 millóns de euros que, ben xestionados, poderían solucionar moitas necesidades na provincia.
Algunhas destas dificultades xa as intuíamos cando comparecía Darío Campos no Parlamento para presentar as liñas mestras dos orzamentos. Ademais de mentirnos asegurando que farían os orzamentos en tempo e forma, en pasado días, víronse novos exemplos de que era incapaz de explicar as contas, -se as do próximo subirían o baixarían-. É sinxelo, non existían.
Lamentablemente a prioridade do PSOE non son os lucenses senón capear as súas liortas internas. Mentres, o BNG parece superado polo mal resultado electoral que o converte nunha forza residual na provincia, que podería perder incluso a súa representación na Deputación, incapaz de rendibilizar oito anos de Goberno bipartito.
Ademais dun síntoma, a non presentación das contas provinciais implica consecuencias negativas para os lucenses, que observan como os seus intereses son continuamente relegados ou directamente abandonados por socialistas e nacionalistas.
O bipartito ao verse obrigado a prorrogar as contas en curso prexudica aos nosos concellos, ás asociacións, aos clubs deportivos e ás entidades sociais e veciñais que a estas alturas do ano descoñecen as achegas que recibirán da administración provincial. Tampouco pode haber previsión, nin seguridade, nin sobre os convenios correspondentes ás subvencións nominativas, nin para planificar os principais investimentos a acometer desde a administración provincial.
Socialistas e nacionalistas teñen convertido á Deputación nunha institución sumida na parálise, polo que deixou de ser útil aos lucenses. Nada queda da alternativa da que presumían cando expulsaron ao PP, a forza máis votada, do Goberno provincial. Os que prometeron normalidade, ofrecen unha imaxe de improvisación e caos. Os primeiros orzamentos de Darío Campos nin tan sequera existen. A PSOE e BNG quédalles moi grande o goberno da Deputación e nin Lugo, nin os lucenses, merecen esta situación de incerteza porque ao bipartito non lle saen as contas.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
