Vista Alegre recibiu 2016 cun grande espectáclo na visita do Palma Futsal, nun encontro de moitísimo equilibrio e momentos abertos, con gran protagonismo baixo os paus, de Álex e Barrón. O cadro de Daniel Ibañes deu a cara ante un rival dos de arriba, que fixo valer o seu plus de pegada para levar os tres puntos da Mariña.
Os primeiros minutos transcorreron con chegadas por ambas as bandas, aínda que o peso de traballo recaeu máis baixo os paus de Álex. Antes do minuto 3, xa freara a Taffy e Sergio, con serio perigo. Attos inaugurou o electrónico para os visitantes no minuto 8, atopando o esférico nun rexeite que conseguiu rematar de interior ao pau curto. Tras a medianía do primeiro acto, os de Daniel Ibañes afinaron verticalidade con Jorge Bellvert como gran referencia; no minuto 12, o 18 laranxa protagonizou unha contra en combinación con Iago Míguez, que acabou no corpo de Barrón. Poucos segundos despois, Jorge volveu ter o empate nas súas zapatillas cunha vaselina demasiado alta e intentou sorprender de novo ao meta insular cun mísil que desbaratou Barrón, moi correcto, co pé. Na recta final antes do descanso, o Pescados Rubén traballou meticulosamente para perforar a rede do Palma; a falta de 2 minutos, Iago Míguez non puido recoller baixo os paus o pase de Chino; tampouco atopou recompensa a recuperación de Antoñito acto seguido. Sobre a bucina, o 5 mariñán, en contra de Chino, topouse con Barrón, na mellor ocasión dos mariñáns.
Tras o descanso, o Burela FS continuou xerando ocasións e conseguiu mitigar o perigo balear nos primeiros minutos. Álex freou por partida tripla, con axuda dos paus, os rexeites en embestida de Tomaz, pero nada puido facer tan só un minuto despois, no 27, ante Vadillo, no pase cruzado do 14 visitante. A falta de pouco máis de 7 minutos para o final, os burelistas apostaron por xogo de cinco con Iago Rodríguez de azul. Chano, cun gran recorte entre dous defensas, reduciu distancias no minuto 36. Viviu Vista Alegre unha recta final moi intensa con idas e vindas, grandes chegadas dos laranxas e resposta a porta baleira dos visitantes, aínda que sen máis movemento no luminoso.
Ficha técnica
CD Burela FS Pescados Rubén: Álex, Iago Míguez, Chano, Jorge, Antoñito, cinco inicial; tamén xogaron Chino, Iago Rodríguez, Hélder, Carlitos,
Palma Futsal: Barrón, Vadillo, Joao, Sergio, Taffy, cinco inicial; tamén xogaron Joselito, Attos, Paradynski, Tomaz
Goles: 0-1, minuto 8, Attos; 0-2, minuto 27, Vadillo; 1-2, minuto 36, Chano
Árbitros: Gallo Suárez//Velasco Martínez (Asturias). Por Palma, amarela a Sergio (minuto 19), Attos (minuto 26). Por Burela FS amarela Bellvert (minuto 22)
Incidencias: Partido correspondente á 17ª xornada da Primeira División da LNFS disputado en Vista Alegre. Sobre 900 afeccionados. O pavillón municipal estreou 2016 con streaming en directo da LNFS e nova iluminación LED, instalada polo Concello de Burela.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
