Lugo, 8 de xaneiro de 2016.- A Xunta de Galicia incrementou nun 27 por cento as achegas aos concellos lucenses destinadas á promoción da igualdade, o que supón poñer á súa disposición 137.382 euros máis que no 2014.
En concreto, foron 40 concellos lucenses os que se beneficiaron das axudas, que suman en total 647.470 euros. Desta contía, 590.243 euros están destinados ao sostemento dos Centros de Información á Muller (CIM) e 57.227 euros a poñer en marcha medidas de conciliación.
A secretaria xeral de Igualdade, Susana López Abella, e a delegada territorial da Xunta, Raquel Arias, destacaron este venres en Lugo a boa resposta das entidades locais á proposta de presentar proxectos de xestión compartida, que se traducen nun incremento da subvención pero tamén nunha maior eficiencia na utilización dos recursos e maior eficacia nos resultados.
Así, no ano 2015 consolidouse a tendencia acadada no eido da cooperación e colaboración entre concellos para a xestión compartida das actuacións dos CIM. En concreto, dos 11 centros titularidade de concellos da provincia de Lugo, oito presentaron unha solicitude conxunta coa agrupación dun total de 33 concellos.
Este avance permite atender máis territorio e a máis potenciais usuarias no ámbito desta provincia. O feito de que dende 2013 se sumasen dous novos CIM ao sistema de xestión compartida supuxo ampliar o ámbito territorial de actuación en 10 concellos máis.
Así, segundo explicaron as representantes do Goberno galego, en Lugo a contía total concedida aos oito CIM que presentaron a solicitude conxunta ascendeu a 455.482 euros, e aos tres presentados individualmente se lles concedeu un importe total de 134.761 euros. Cabe subliñar que, en calquera caso, practicamente todos os centros incrementaron a axuda con respecto ao ano anterior.
A Xunta resolveu tamén unha liña de subvencións para a posta en marcha de programas de fomento da conciliación, das que se beneficiaron 8 concellos da provincia: O Valadouro, Outeiro de Rei, Alfoz, Palas de Rei, Guitiriz, Xove, Taboada e Xermade.
Con esta convocatoria, a Secretaría Xeral da Igualdade pretende por en valor o papel relevante das entidades locais na difusión do valor da igualdade, a prevención da violencia de xénero e o fomento das condicións de conciliación da vida persoal, familiar e laboral, por ser as administración máis próximas á cidadanía e máis coñecedoras da situación específica dos seus veciños e veciñas.
Importe das axudas concedidas e entidades beneficiadas da Mariña
– Concello de Burela (presentou a súa solicitude agrupada xunto con Alfoz, Cervo e O Valadouro): 119.149,42 €
– Concello de Ribadeo (presentou a súa solicitude agrupada xunto con Barreiros, A Pontenova e Trabada): 51.585,33 €
– Concello de Viveiro: 45.763,39 €
– Concello de Mondoñedo (presentou a súa solicitude agrupada xunto con Abadín, Lourenzá, A Pastoriza e Riotorto): 22.201,11 €
Subvencións para programas de fomento da conciliación
– Concello de O Valadouro: 12.000 €
– Concello de Alfoz: 11.760 €
– Concello de Xove: 3.771,96 €
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
