A Federación de Asociacións de Veciños de Lugo solicita ó Goberno central que se faga efectiva a baixada de prezo do combustible e a retirada do “céntimo sanitario”

Lugo, 18 de xaneiro de 2016.- A Federación de Asociacións de Veciños de Lugo “Lucus Augusti” fíxose eco da ofensa que representa para os veciños da Provincia de Lugo que non se vexa reflectido no prezo do Combustible as recentes baixadas do prezo do petróleo por baixo dos 30 desbastares/barril de Brent.

Si esta baixada histórica do petróleo fixésese efectiva inmediatamente, converteríase nun balón de osíxeno para as maltrechas economías de empresas e particulares. Tendo en conta que o salario medio dos traballadores e pensionistas da Provincia de Lugo é dos máis baixos do Estado, estando moi por baixo da media nacional, o pagar o prezo de combustible máis caro que todas as provincias colindantes, é ademais de indignante, ofensivo.

O prezo que pagamos polo combustible recolle en parte a evolución do prezo do petróleo e soporta unha carga impositiva que supón entre un 43% e un 48 % do prezo do combustible. Esta carga impositiva vese gravada en Galicia ademais polo chamado “Céntimo Sanitario”, que realmente son 4,8 céntimos “sanitarios” o litro de combustible. A isto debemos sumarlle o IVE.

É indignante que en Comunidades autónomas colindantes como é a veciña Comunidade de Castilla e León, xa o suprimiron desde o 1 de xaneiro de 2016.

O prezo do combustible trasládase instantáneamente cando se incrementa a cotización do cru mentres,si o prezo do cru baixa o descenso non ten data de traslado.

Por todo iso, solicítase que o Goberno Central interveña a través dos medios dos que dispón para que se faga máis áxil a baixada de prezos e solicítase á súa vez que o Goberno Autonómico de Galicia elimine os chamados “Céntimos Sanitarios”, polas anteriores razóns expostas.

De non ser así, esta Federación de Veciños verase obrigada a realizar as distintas medidas de presión necesarias para alcanzar estes obxectivos.