Burela, 23 de xaneiro de 2016.- O Burela Pescados Rubén pechou a primeira volta da Primeira División cunha vitoria sufrida por 3-2 ante un Rioxa FSF que a piques estivo de dar a sorpresa en Vista Alegre. O conxunto dirixido por Iván Cao “Lucas” remontou un 1-2 a escasos minutos do final con dous goles logrados con xogo de cinco.
O encontro en Vista Alegre comezou coas consignas ben marcadas, as rioxanas defendendo en media pista e buscando o contragolpe e co Burela Pescados Rubén levando a iniciativa. O ritmo do partido era lento e a circulación laranxa non era a precisa para abrir o candado plantexado polas rioxana. A mellor ocasión local chegou traspasado o ecuador nun disparo afastado de Peque. Pouco despois o Rioxa executou un contragolpe perfecto para adiantarse (0-1) por mediación de Carmen. O choque animouse e tras unha boa ocasión de Bea Mateos, Dany marcou o empate (1-1). A brasileira aproveitou un pase de Peque para definir con claridade e celebrar o seu debut con gol, o seu aceno de identidade. Sen tempo para o respiro chegou a sorprendente reacción visitante que se adiantou de novo no marcador (1-2) cun gol de Patri a pase de Lucía. Con este resultado chegouse ao descanso.
Na reanudación acentuouse o dominio laranxa e o Rioxa baixou a súa defensa a 12 metros para protexer o seu marcador favorable. O Burela non atopaba o seu ton habitual e era demasiado lento e impreciso na circulación, sendo previsible para a defensa rioxana. Dúas accións illadas de Gaby e Peque acabaron na madeira visitante e no tramo final o Burela Pescados Rubén apostou polo xogo de cinco que resultou determinante para lograr a remontada e os tres puntos. Primeiro Ceci logrou o empate e acto seguido Claudia certificou a remontada co 3-2 a pesar do último intento das avezadas xogadoras visitantes que deixaron unha gran imaxe en Vista Alegre.
Ficha técnica
CD Burela FS Pescados Rubén: Andrea, Peque, Gaby, Ceci, Bea Mateos -cinco inicial- Claudia, Dany, Lara.
Rioja FSF: Marta, Lucía, Rosita, Carmen, Gloria -cinco inicial- María Carro, Patri, Martita.
Goles: 0-1, m.14, Carmen; 1-1, m.17, Dany; 1-2, m.17, Patri; 2-2, m.36, Ceci; 3-2, m.36, Claudia.
Árbitros: Goyos López, Amor Vizoso. Colexio galego. Cartón amarelo a Bea Mateos e Gaby do Burela Pescados Rubén. No Rioxa FSF cartón amarelo a Gloria.
Incidencias: Partido correspondente á 15ª xornada de Primeira División RFEF, disputado no pavillón Vista Alegre de Burela, 500 espectadores. As xogadoras burelesas saltaron á pista cunha camiseta de ánimo para a súa compañeira Emma, lesionada de gravidade.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
