Santiago, 27 de xanerio de 2016.- O voceiro de asuntos pesqueiros do Grupo Popular, Jose Manuel Balseiro, formulou na tarde deste mércores unha pregunta dirixida á conselleira do Mar, Rosa Quintana, na que se interesaba pola valoración que desde o Goberno galego facían sobre o resultado do Consello de Ministros de Pesca da Unión Europea que determinou os totais admisibles de capturas (TACs) e as cotas para o ano 2016.
A titular do departamento autonómico de Mar confirmou, a preguntas de Balseiro, que o ano en curso conseguíronse 6.000 toneladas máis de posibilidades de pesca que o ano pasado, o que supón un aumento de case o 2,5% no global de cotas e ofrece un incremento acumulado do 15,5% desde o 2012 en beneficio da flota española.
Tanto a conselleira como o deputado popular coincidiron en cualificar de moderadamente positivo o resultado da negociación, a xuízo destas cifras, e tendo en conta o punto de partida, con propostas de recortes moito máis lesivos para a nosa flota. Ambos tamén concordaron en que, para mudar esta proposta inicial foi decisivo o traballo realizado dende Galicia trasladando informes e documentación sobre o impacto socioeconómico que terían os recortes inicialmente propostos, por exemplo, sobre o lirio, ou no caso da Secretaría General de Pesca, relativos á pescada, rape e gallo.
Cifras positivas en especial en Gran Sol
Afondando nos datos obtidos, ambos intervintes salientaron as cifras positivas para a flota do Gran Sol, que sae beneficiada con incrementos nas cotas de pescada, gallo e cigala, e unha continuidade no peixe sapo, nas raias e no abadexo. Amais, e no caso do Cantábrico, tamén o cerco sae beneficiado co incremento da cota do xurelo dun 27% no Cantábrico e dun 15% na zona de Fisterra a Portugal que compensan a baixada da xarda, que, mediante intercambios, podería quedar nas cifras do pasado ano.
Nesta mesma zona hai que apuntar tamén que se logrou frear a caída libre que se propoñía desde Bruxelas para a pescada, pasando dunha proposta de rebaixa dun 62% a unha baixa efectiva do 21%. Do mesmo xeito, tamén se freou, en maior medida aínda, a proposta de recorte do gallo, o rape, o lirio, o abadexo e as raias. Pola contra, os resultados non son os esperados para as flotas de artes fixas no caladoiro nacional, aínda que conseguiuse que se mellorara substancialmente o punto do que se partía.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
