Alfoz, 17 de febreiro de 2016.- O pasado fin de semana reuníronse os membros do Grupo Municipal de VIA no concello co resto dos membros da Agrupación de Veciños Independentes de Alfoz, para tratar temas sobre a actualidade do concello. Nesta reunión repasáronse os traballos feitos nos últimos meses polo equipo de goberno en xeral e polas concellerías representadas por Carmen Geada Maseda e Xabier Pardiñas Suárez, concelleiros electos de VIA. Os membros da agrupación animaron aos seus representantes no concello a continuar traballando con humildade e ilusión, así como buscando o máis amplo consenso posible entre os grupos municipais. Ademais demandaron unha maior información aos veciños sobre as xestións que se están a levar a cabo, “estanse tratando temas moi importantes para o concello polo que tamén é importante que os veciños e veciñas de Alfoz os coñezan”, apuntan desde a agrupación. O portavoz do grupo municipal, Xabier Pardiñas, comprometeuse a transmitir esta inquedanza ao grupo de goberno. Por outro lado recordou que no pleno ordinario do pasado mes de xaneiro se aprobou a creación dunha Comisión de Transparencia, formada por membros de todos os grupos municipais, á que propoñerá a redacción dunha ordenanza reguladora sobre a información que se debe mostrar a través do Portal de Transparencia do concello, garantíndolle aos veciños a información sobre contratos, adxudicacións, subvencións, gastos… Este Portal de Transparencia será público a través da nova páxina web do Concello de Alfoz que se poñerá en marcha ó longo deste mes de febreiro.
Na reunión tamén de trataron os asuntos do último pleno, no cal se aprobaron os Orzamentos Municipais para 2016 así como a Ordenanza Xeral Reguladora do Uso e Aproveitamento Especial de Vías Públicas, Accesos e Peches das Fincas Colindantes e Espazos de Titularidade Municipal.
Respecto aos orzamentos, Pardiñas explicou as diferentes partidas presupostadas apuntando que se trata dun presuposto onde se debe facer fronte á amortización da actual débeda do concello, e onde os investimentos se centrarán na mellora viaria e no mantemento das infraestruturas existentes, destacando as actuacións necesarias en instalacións deficientes como a ETAP, o pavillón municipal ou o castelo.
No referente ás ordenanzas destacouse que existían problemas na aplicación dalgunhas delas, “nalgúns casos porque se estaban aplicando de forma incorrecta”, como no caso da ordenanza reguladora da taxa por expedición de las licenzas de apertura de establecementos, “e noutros casos nin tan sequera se estaban aplicando”, apunta Pardiñas. Respecto a isto último, a nova ordenanza, aprobada por consenso dos tres grupos, substitúe a unha existente que non se estaba aplicando. O obxecto desta nova ordenanza é a regulación do uso común especial dos camiños e vías de titularidade municipal, tanto no referente ás sacas e transporte de madeira como na regulación da execución de peches na súa colindancia cos camiños, de forma que os mesmos non impidan ou dificulten as labores de mantemento e roce, e a execución de salvacunetas para acceso ás fincas.
A agrupación de Veciños Independentes de Alfoz seguirase reunindo periodicamente para recoller as peticións de todos os membros e as achegadas polos veciños para o que se pon á súa disposición a través de calquera dos membros do grupo municipal e nos correos vialfoz@gmail.com e grupovia@concellodealfoz.com
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
