RIBADEO (FNC) .- O alcalde, Fernando Suárez, valora de xeito positivo os sete millóns de euros que a Xunta investirá no 2010 en Ribadeo, pero bota en falla as consignacións necesarias para a construcción dunha nova escola infantil e para a posta en marcha do centro de día para enfermos de alzheimer.
O rexedor sinalou que “eu como alcalde de Ribadeo debo valorar tamén positivamente ese anuncio efectuado polo portavoz do PP no Concello, ainda que non coñezo ao detalle esas partidas. Entendo tamén que son cousas que estaban previstas polo anterior goberno autonómico, como era o aumento na altura do peirao de Ribadeo ou o dragado da ría”.
A Suárez Barcia gustaríalle que “dentro destes millóns de euros, non sei si chegarían para tanto, se consignaran os cartos suficientes para dar cumprimento aos compromisos firmados, acordados en pleno…como pode ser que a Xunta de Galicia comezase no 2010 as obras de construción da nova escola infantil”. O alcalde lembrou que “eu xestionei diante da Vicepresidencia da Igualdade e do Benestar que fixeran unha escola deste tipo porque Ribadeo é un lugar no que nacen moitos nenos e onde moitos nenos xunto cos seus pais veñen vivir ao noso concello. Esto tamén o debo de enmarcar nas críticas que se están a producir estes días sobre a falla de previsión que hai na gardería pública de Ribadeo, nesta gardería que se ampliou hai dous anos grazas ás nosas xestións, pero que non da máis de sí. É necesario ter unha nova gardería porque Ribadeo é un sitio dinámico, é un sitio vivo e que necesita destas prazas públicas de ensino de 0 a 3 anos”.
O rexedor engadiu que tamén lle gustaría que “nestas previsións de sete millóns de euros figurase a consignación precisa para converter aquela casa reitoral de Ove en centro de día para enfermos de alzheimer. No seu día asinouse un convenio entre Anxo Quintana e o bispo de Mondoñedo-Ferrol. É un centro do que se chegou a asinar aquel protocolo, do que se chegou a ter redactado un proxecto que pasou os informes favorables de Urbanismo e de Patrimonio e que está pendente de licitación por parte de quen lle corresponde que é Xunta de Galicia”.
Fernando Suárez dixo que “ao igual que hai moitos nenos en Ribadeo, tamén hai moita xente maior con esta enfermidade fatal que é o alzheimer, e por iso lle pido á Xunta que non dilate estes proxectos fundamentais para o noso concello. Eu serei o primeiro en aplaudir e en valorar que esto non sofre ningunha demora política e interesada e que será unha realidade. Así resolverémoslles moitos problemas a moitos pais e moitas nais e tamén a moitos fillos que teñen aos seus pais maiores”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
