Ribadeo, 22 de febreiro de 2016. No salón de plenos do Concello tivo lugar este xoves a recepción ofrecida a María Redondo Peña, que se proclamou campioa de España coa selección galega sub 17 de fútbol sala hai uns días en Madrid. Xunto á xogadora estiveron o alcalde, Fernando Suárez; a concelleira de Igualdade, Mariluz Álvarez Lastra; o concelleiro de Deportes, David Rivas; e o técnico de Deportes, Iván López.
O edil de Deportes dixo que “en Ribadeo parece que estamos a coller esa sa costume de gañar campionatos de España, porque si hai uns meses estabamos aquí con María Díaz e con Nerea Lago, despois de gañar o campionato de España de remo, hoxe estamos aquí con María despois de gañar o campionato de España de fútbol sala e para a vindeira semana estaremos con Iván Lindín, que ven de ganar o campionato de España de tiro olímpico nunha modalidade e a medalla de bronce noutra”.
Para David Rivas “isto non fai mais que poñer de manifesto o enorme potencial deportivo que temos en Ribadeo. Isto todo non se consigue máis que con traballo desde a base. Cremos que este é o camiño a seguir. E cando levamos tanto tempo fomentando o deporte feminino en igualdade é moi gratificante ir vendo como o tempo nos está a dar a razón, ver como Ribadeo está a desenvolver unha serie de deportistas dunha calidade extraordinaria, que son referentes a nivel galego e estatal”.
O concelleiro nacionalista dixo: “María ti puxeches a Ribadeo no mapa nun deporte no que somos conscientes de que é complicadísimo chegar ata onde ti chegaches e acabas de demostrar que as galegas e as galegos, cando se nos deixa, somos quen de facer as cousas moi ben, si nos deixan traballamos con dedicación, con paixón e con entrega e somos capaces de gañarlle a calquera. Sentimos moito orgullo de ti, como ribadenses e como galegas e como galegos. Queremos animarte a seguir traballando, poderás chegar tan alto como ti queiras”.
A responsable da Delegación Municipal de Igualdade, Mariluz Álvarez Lastra, lembrou que nas primeiras campañas que fixemos de promoción da igualdade no deporte no ano 2011 María foi a protagonista e o curto titulábase A xenia do fútbol e o tempo nos demostra que a xenia estaba aquí. Naquel curto se reflectían as dificultades que sofren as nenas para practicar un deporte totalmente estereotipado, xa que a partir dos doce anos teñen un montón de problemas para competir, a non ser que sexa nun equipo feminino. O tesón, a forza, e o apoio da familia fai que ela estea onde está e lle axuden a facer o que ela quere e desexa. Non se pode facer mellor campaña que co referente que hoxe temos aquí con nós. Sinto orgullo e grande alegría sendo concelleira e coñecéndote desde pequeniña, como te coñezo”.
O alcalde, Fernando Suárez, subliñou que “María Redondo deches un exemplo en xeral como muller, unha lección en positivo para todos e todas. E queremos inmortalizar este momento contigo, facéndoche entrega desta figura cunha estrela do escudo do Concello, cun balón, e cunha rapaza que simboliza que es ti”.
Pola súa banda a xogadora deu as grazas polo recibimento e indicou que “nada disto sería posible, como dixo Mariluz, sen a familia que está aquí e que é un apoio indispensable desde hai dez anos que empecei a xogar ao fútbol e que nunca deixaron de apoiarme. Moitas grazas por todos estes anos de apoio”.
A familia de María Redondo Peña acompañouna á recepción celebrada este luns no Concello.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
